DEJ NYAB AS XIAS TOOB FAB NAJ

Teeb meem dej nyab thiab toj pob los sis av xaub uas yog ntuj los nag hlob nyob hauv Khas Phus Chas teb, Los Tsuas teb thiab Nyab Laj teb ntau hnub dhau los no, ua rau neeg tuag ntau caum leej thiab ntau txhiab leej neeg tsis muaj vaj tse nyob, lawv tej liaj teb raug dej nyab piam sij tas.

Nyob Nyab Laj teb, dej nyab neeg tuag 90 leej thiab ploj lawm 34 leeg, thiab tsoom pej xeem ntau caum txhiab leej tsis muaj vaj tse nyob. Hauv lub nroog Thees Thees Hej (Thien Thien Hue) cov tseem hwv tshais chaw rau tsoom pej xeem ze ntawm 40,000 yim neeg thiab muaj 121,700 lub tsev raug dej nyab ploj tas.

Vim ntuj los nag ntau hnub sib law, ces dej kuj nyab nruab nrab hauv Nyab Laj teb thiab ua rau neeg tuag 37 leej. Lub xeev Qhuas tis (Quảng Trị), Thuas Thees Hej (Thừa Thiên Huế) thiab Qhuas Naas (Quảng Nam), yog 3 lub xeev uas raug dej nyab loj tshaj plaws. Tswv Qhia Paj Lug Nyiam Thais Hos (Bishop Nguyen Thai Hop) uas nws nyob nrug deb ntawm lub tuam ceeb li 340 km yav qab teb, nws tau mus ncig tsham xyuas cov thaj tsam uas dej nyab thiab nrhiav kev pab tsoom pej xeem. Tswv Qhia Nyiam Thais Hos yog tus sawv cev ntawm lub Cheeb Koom Txoos mus rau lub zog Toos Qhuas (Trung Quan). Lub Koom Haum Caritas thiab cov neeg ntseeg tau nqa txhiam xws noj thiab ntau yam toob xib mus pab cov neeg raug dej nyab nyob hauv cov thaj tsam uas lawv mus xyuas txog. Tswv Qhia Nyiam Thais Hos hais tias : thov cov neeg muaj lub siab khuv leej sib koom siab thov Ntuj thiab hais txoj Saw Mab Liab pab rau cov neeg uas lawv raug dej nyab thiab.

Nyob Los Tsuas teb ntuj los nag thiab cua hlob heev, ua rau tsoom pej xeem tej vaj tse nyob hauv lub xeev Xav Vaas Nas Khej (Swannakhet) piam sij lawm 100 tawm lub thiab muaj 8 lub nroog raug dej nyab loj kawg. Tsoom pej xeem tej liaj teb muaj li ntawm 10,000 hev taj raug dej nyab ploj tas thiab lub pas dej tauv nyob pem hauv dej kuj phwj tawm los.