KEV SAIB XYUAS TXOG KEV NOJ HAUS NYOB KAS MES LOOS

Tsoom pej xeem Kas Mes Loos 39 feem pua yog cov neeg pluag txom nyem. Caritas Yagoua thiaj tau qhib ib txoj kev pab tsoom pej xeem saib xyuas txog kev noj kev haus ntawm tsoom pej xeem thiab cov me nyuam yaus. Fas Npis Os Mus Xis uas nws yog ib tug tub tshaj Ntuj Lus neeg Is Tas Lias thiab yog tus lis cov hauj lwm nyob hauv txoj kev saib xyuas kev noj haus hais tias : nws hnov Vaj Qhia Fas Ntshis Kus cov lus hais nyob hauv Laudato Si, hais txog kev muab siab rau saib xyuas kev noj haus ntawm tsoom pej xeem. 
Lub 6 hli xyoo 2019, lawv tau pib cog qoob loo thiab faib noob qoob noob loo rau tsoom pej xeem ua liaj ua teb, thiab faib 500 tsob txiv ntoo rau tsoom pej xeem cog. Ces vam tias qhov no yuav pab txhawb nqa tsoom pej xeem txoj kev noj kev haus uas yog los ntawm nruab liaj nruab teb. Raws kev soj ntsuam xyoo 2019, Kas Mes Loos teb yog lub teb chaws tim 153 nyob hauv 180 lub teb chaws uas pluag thiab txom nyem. Nyob hauv cov thaj tsam nyob Kas Mes Loos qaum teb, cov tub tshaj Ntuj Lus Is Tas Lias hais tias : tsoom pej xeem nyob Kas Mes Loos qaum teb tshaib nqhis loj kawg. Vim li ntawd, cov tub tshaj Ntuj Lus thiaj qhia kom tsoom pej xeem cog hom ntoo Mab Loos (Moringa Tree), hom ntoo Moringa Tree yog muag cov nplooj. Qhov no thiaj yuav yog ib yam pab daw tsoom pej xeem txoj kev tshaib nqhis.