LUB NTIAJ TEB TSHIAB (KEPLER-1649C)

Hnub tim 15 lub 4 hlis no, NASA tshaj tias cov kws txuj tshawb pom ib lub hnub qub uas loj tshaj lub ntiaj teb 1.06 npaug. Lub hnub qub ntawd, puas yog ib lub ntiaj teb tshiab ne ? Lub ntiaj teb tshiab ntawd tej huab cua yuav luag sib xws li lub ntiaj teb uas peb nyob no. Vim lub ntiaj teb tshiab ntawd tau txais cov duab tshav ntuj  75 feem pua, ntawm cov duab tshav ntuj uas lub ntiaj teb no tau txais.
Cov kws txuj xam pom tias yog zoo li ntawd tej zaum yam muaj txoj sia kuj yuav nyob tau thiab. Vim li ntawd cov kws txuj tseem yuav soj ntsuam tshawb fawb ntxiv mus seb yog zoo li cas tiag. Yog tias yam muaj txoj sia nyob tau, mas txhais tias yuav muaj lub ntiaj teb tshiab rau tib neeg nyob ntxiv. Lub hnub qub los yog lub ntiaj teb tshiab ntawd, nws nyob nrug deb ntawm lub ntiaj teb no li 300 xyoo sab hnub. 1 xyoos cov sab hnub, mas yog 299,793 kis los mev. Txhais tias lub ntiaj teb tshiab ntawd nyob nrug deb ntawm lub ntiaj teb peb nyob no deb kawg nkaus.