NTSAUM

Ntsaum yog ib hom kab uas me heev, tab sis ntsaum kuj muaj tej yam ua kom neeg xav tsis txog tas li. Tseem tshuav ntau yam uas tib neeg tsis tau paub dua los ntawm ntsaum. Ntsaum yog ib hom kab uas ib txwm muaj nyob txawm hauv ntiaj teb thiab muaj nyob los ntev heev lawm. Hnub no peb yuav hais txog 9 yam ntawm ntsaum uas neeg tsis tau paub txog. 
(1) Puas muaj leej twg paub tias : ntsaum muaj tus yam ntxwv zoo xws li cov ntseeb uas plev neeg nyob rau 100 tawm plhom xyoo tag los lawm. 
(2) Ntsaum yog ib hom kab uas hais tau tias yog ntseeb thiab muv kwv tij, 3 hom kab no lawv xyaum ua lub neej ib yam. 
(3) Yog muab tag nrho cov ntsaum nyob hauv ntiaj teb no los sib sau ua ke, mas hnyav yuav luag npaum tas ntiaj teb neeg sib sau ua ke. 
(4) Ntsaum sib tham los yog sib fi xov, yog siv ib tug ntxhiab hu ua Fis Los Moos (Pheromone). Tus ntxhiab Fis Los Moos ua kom lwm tus ntsaum paub tias : pem hauv ntej muaj teeb meem. Thiab qhia kom lwm cov ntsaum taug tau qab mus txog yam ntsaum noj. 
(5) Ib tug ntsaum nyob tau 7 xyoo. Yog tus niam ntsaum los yog tus niam vaj ntsaum, mas nyob tau 15 xyoos. 
(6) Ntsaum muaj zog thiab muaj peev xwm dua cov tub sib tw nqa hlau thiab nqa pob zeb, vim ntsaum tuaj yeem kwv tej yam khoom noj uas hnyav dua nws 50 npaug. 
(7) Ntsaum tuaj yeem nkag mus deb ntawm nws lub zes los yog nws lub tsev li 200 mev. Thiab ntsaum tuaj yeem taug txoj kab qub uas yog tus ntxhiab Fis Los Moos uas nws tso, kom rov los txog nws lub tsev. Vim li ntawd, peb thiaj kheev kheev pom ntsaum nkag ua tej kab sab ntev ntev thiab tsis sib tawg. 
(8) Ntsaum nyob tau hauv qab thu dej li 24 teev, thiab nws tsis tuag. 
(9) Txhua txhua pab ntsaum los yog txhua hom ntsaum, mas muaj li ntawm 500 txhiab tus. Yog tias ntsaum lub tsev raug neeg ua piam sij, mas ntsaum khiav tau sai heev, tib pliag xwb pawv tag lawm. Tab txawm tias ntsaum me heev, tsis kav thaum ntsaum nyob ua ke coob coob kuj meem txom thiab txawj plev txawj tom neeg. Tsis tas li ntawd, ntsaum tseem ua teeb meem rau neeg tej vaj tse thiab.