TSIS TSO TSEG KEV TSO PA ROJ A, MAS LUB NTIAJ TEB YUAV RAUG XWV TXHEEJ NTUJ KUB

Kev txuag lub ntiaj teb ntawm lub Leej Haum Kuj ceeb toom tias : lub ntiaj teb yuav khiav tsis dhau cov teeb meem tshwm sim los ntawm huab cua, yog tias tas cov kuj cuab nyob ntiaj teb no tsis txo kev tso pa roj. 3 xyoos dhau los lawd, 195 lub teb chaws twb tau nrog lub Leej Haum Kuj sib cog lus nyob Pas Lis, hais txog kev tiv thaiv thiab sib pab daws teeb meem kom lub ntuj txhob kub. Tab sis txog tav no muaj ntau lub teb chaws tsis tau nqes ua cov hauj lwm daws teeb meem ntuj kub tiag tiag. Tas ntiaj teb tseem ntsib teeb meem huab cua kub 3.2%, uas yog ua teeb meem rau txhua yam muaj txoj sia thiab tib neeg. Vim li ntawd, tas ntiaj teb yuav tsum muab siab rau sib koom tes txo kev tso pa roj ncho rau saum ntuj, vim tias lub ntuj tam sim no mas muaj cov Koom Haum tsim toob xib tso pa roj ncho rau saum ntuj ntau dua yav tag los. Yog ib yam txaus txhawj kawg, vim txhua lub teb chaws puav leej siv roj a nyob hauv tej tuam tsev tsim toob xib thiab tej tsheb khiav. Nyias tsuas xav kom nyias lub teb chaws txoj kev lag luam vam meej thiab loj hlob xwb, sawv daws tsis nco xav tias cov pa roj uas ncho rau saum ntuj yuav ua teeb meem kub ntxhov rau neeg.

Tus txhais : Lis Maib, Zoo Tswv Zov Yaj