TUS NIAM DEJ NAJ KHOOM YUAV NQHUAB VIM NEEG SIV XUAB ZEB THIAB UA NTAU YAM NYOB NTAWM NTUG DEJ

Kev siv xuab zeb yam tsis tu ncua nyob hauv tus niam dej Naj Khoom, mas ua rau dej nqhuab thiab ua teeb meem rau tsoom pej xeem txoj kev ua noj ua haus loj kawg. 
Raws kev soj ntsuam tsoom pej xeem nyob npuas tus niam dej Naj Khoom tej liaj teb, mas niaj xyoo piam sij lawm 300 hev taj. Teeb meem yog los ntawm siv ntug dej thiab xuab zeb ntau, thiaj ua rau 10 xyoo dhau los no tus ntug dej Naj Khoom poob li ntawm 3,000 hev taj av. Kev nrhiav nyiaj los ntawm nyiag khawb xuab zeb thiab kev nrhiav nyiaj los ntawm kev lag luam raws kev cai lij choj, tab tom cuam tshuam txog tib neeg lub neej thiab kev yug tsiaj yug txhuv raws ntug dej Naj Khoom.
Txawm li cas kuj xij, 4 xyoo dhau los no cov xeev nyob nram qab ntawm tus niam dej Naj Khoom, xws li Tian Giang, Hu Xang thiab Bintre tau muaj txoj cai kav txog kev siv ntug dej Naj Khoom. Vim tias cov tseem hwv thiab tsoom pej xeem uas nyob raws tus ntug dej Naj Khoom, yuav tsum sib pab txuag txhua yam muaj nqis nyob hauv tus niam dej. Tang QuốcChính uas yog ib tug thawj coj ntawm kev saib xyuas xwv txheej txhua yam hais tias : vim tseem hwv Suav tau tauv lub pas dej nyob hauv tus niam dej Naj Khoom, ces thiaj ua teeb meem rau cov teb chaws no, xws li Los Tsuas teb, Mias Mas teb, Thaib teb thiab Khas Phus Chas teb. Tus tiam lis Nes Des uas nyob Nyab Laj teb hais tias : tus niam dej Naj Khoom yog ib tug niam dej teeg thiab ntws zoo heev uas tab tom yuav piam sij mus. Tab sis cov tseem hwv Nes Des yuav koom tes nrog cov tseem hwv Nyab Laj txhim kho tus niam dej kom nyob nrog tsoom pej xeem ntev ntev mus.