TXHUA HOM TSIAJ TAB TOM YUAV TU NOOB

Txhua hom tsiaj nyob nrog ib daim hav zoov loj ntsuab xiab, vim tsiaj yog ib feem ntawm lub ntiaj teb qhov zoo nkauj thiab muaj txhij txhua. Tab sis niaj hnub no txhua txhua hom tsiaj muaj tsawg zuj zus lawm, vim tib neeg ob txhais tes tsis pab txuag. Nyob hauv txhua txhua xyoo tej tsiaj thiab nroj tsuag tu noob lawm 4,000 txog 6,000 hom, yog vim hav zoov raug neeg ntov thiab hlawv. Pom tau tias txhua yam noob nroj tsuag thiab txhua hom tsiaj muaj tej hom tu noob, yog los ntawm tib neeg. Qhov uas nyob nyob tej tsiaj txawj tu noob, tej noob nroj tsuag txawj ploj raws li lub ntuj tsim, mas yog tsawg heev. 2 tiam neeg dhau los no xwb, tej tsiaj qus nruab nrag tshuav tsawg li ntawm 50 feem pua. Peb paub zoo tias : qhov uas ua rau tej me tsiaj thiab nroj tsuag yuav tu noob, vim yog tib neeg coob zuj zus tuaj thiab. Thaum tib neeg coob tuaj lawm, yuav muaj kev ntov ntoo ua vaj ua tsev. Luaj teb ntov ntoo ntov hav zoov kom neeg muaj teb ua noj. Luaj tej hav zoov dav dav kom muaj chaw ua kev tsheb thiab tsim tej tsev Koom Haum ua toob xib. Vim li ntawd, neeg thiaj yog tus ua kev piam sij rau tej tsiaj txhu thiab hav zoov loj tshaj. Yog peb sawv daws tsis sib pab txuag lub ntiaj teb tej me xyoob ntoo thiab tsiaj txhu, mas ntxiv mus yav tom ntej cov neeg txheej tshiab yuav tsis pom lub ntiaj teb zoo nkauj li no lawm. 

Tus txhais : Lis Maib, Zoo Tswv Zov Yaj