AS XIAS TEB YOG XEEV NTUJ POV TOOB XIB ROJ HMAB RAU HAUV HIAV TXWV NTAU TSHAJ PLAWS

Zim txwv no As Xias teb tseem yog xeev ntuj uas pov tej nyuag toob xib roj hmab rau hauv hiav txwv ntau tshaj plaws nyob hauv ntiaj teb no. Mas Les Xias teb yog lub teb chaws tim 1 uas pov hnab roj hmab ntau tshaj nyob hauv cov teb chaws As Xias. Vim Mas Les Xias teb tsis tau muaj txoj cai zoo los kav hais txog kev pov toob xib roj hmab thiab daws cov teeb meem no. Hnub tim 17 lub 2 hlis 2020 no, lub Koom Haum saib xyuas tsiaj txhu (WWF) tshaj tias : lawv pom tias 60 feem pua ntawm cov hnab roj hmab uas neeg pov rau hauv hiav txwv, mas muaj li 8 plhom taas (ton). Cov hnab roj hmab thiab cov toob xib roj hmab ntawd feem ntau yog los ntawm Suav teb, Is Ntos Nes Xias teb, Mas Les Xias teb, Fis Lis Pees teb, Thaib teb thiab Nyab Laj teb. Pom tau tias 40 xyoo tom ntej no ntxiv, mas cov toob xib roj hmab uas raug neeg pov rau hauv hiav txwv yuav ntau tuaj li 4 npaug ntxiv. Yog tias txhua txhia lub teb chaws tsis muab kev koom tes daws cov teeb meem no, mas yav tom ntej cov hnab roj hmab thiab tej toob xib roj hmab yuav ntau dua cov tsiaj nyob hauv hiav txwv. WWF hais tias ; yog yuav muab saib raws cov teb chaws, mas Mas Les Xias teb yog lub teb chaws uas siv hnab roj hmab ntau tshaj plaws nyob hauv 6 lub teb chaws uas hais los saum no. Txhais tau tias nyob hauv 1 xyoos twg, mas ib tug neeg yuav tsum pov hnab roj hmab thiab tej toob xib roj hmab li ntawm 16.8 kg. Yawg Tos Mas Tshus uas nws yog ib tug pab kev lag luam hais txog toob xib roj hmab nyob hauv lub Koom Haum WWF hais tias : tos Mas Les Xias teb siv toob xib thiab hnab roj hmab ntau tshaj, los vim Mas Les Xias teb yog li lub teb chaws nyob hauv cov teb chaws nplua nuj. Niaj hnub mas tsoom pej xeem siv hnab roj hmab thiab tais roj hmab ntim zaub mov thiab muaj neeg mus kav kiab kav khw coob heev. Kev mus kav kiab kav khw, mas thaum muas toob xib los yog muas txhiam xws noj, mas puav leej yog xuas hnab roj hmab ntim. Qhov uas tseem hwv Suav txwv tsis txais toob xib roj hmab tuaj ntawm lwm teb chaws tuaj, kuj yog vim cov hnab roj hmab uas neeg muab pov tseg hauv hiav txwv ntau heev lawm. Tsis tas li ntawd, cov teb chaws xib fab sab hnub poob kuj siv kev thauj toob xib roj hmab nyob hauv xeev ntuj As Xias thiab. Ces yog ib yam nyuab kawg uas yuav tiv thaiv cov toob xib roj hmab no, vim yog tuaj ntawm lwm xeev ntuj  tuaj thiab.