AS XIAS TOOB FAB NAJ YOG THAJ CHAW NTOV NTOO NTAU TSHAJ

Monday, November 23, 2020

Vim neeg cov hauj lwm, ces thiaj ua rau tej hav zoov tshuav tsawg zuj zus. Txo tej tsiaj txhu, me kab me ntsaum thiab nroj tsuag qee yam tu noob yuav luag tas nyob hauv lub ntiaj teb. Nod yog cov teeb meem tshwm sim nyob hauv 2 xyoos dhau los uas Living Planet Report tshaj tawm nyob hauv World Wide Fund for Nature (WWF). Nod yog cov lus xaus ntawm kev soj ntsuam nroj tsuag thiab tsiaj txhu nyob ntiaj teb no. Pom tau tias cov tuam teb uas muaj teeb meem hais txog hav zoov ntau tshaj, mas thiaj yog As Xias toob fab naj. Cov hav zoov nyob As Xias toob fab naj raug ntov piam sij lawm ntau kawg, ces txo tej tsiaj txhu thiab nroj tsuag txoj sia lawm ntau heev. Yog ib yam teeb meem ceeb laj daws kho nyob hauv As Xias toob fab naj. Raws kev soj ntsuam, mas pom tias kev piam sij yog los ntawm kev luaj teb ntov ntoo thiab ntes ntses heev dua qub.

As Xias toob fab naj yog qhov chaw uas muaj hav zoov nyob ntawm txoj kab hnub qhov sov li 15 feem pua nyob thoob ntiaj teb, thiab kuj yog qhov chaw luaj teb ntov ntoo ntau tshaj. Kev soj ntsuam ntawm Xees Cas Pos, mas pom tias xyoo 2013, As Xias toob fab naj muaj kev luaj teb ntov ntoo ntau kawg, ces ua rau tej hav zoov piam sij lawm 1.2 feem pua. Dhau ntawm cov hav zoov piam sij nyob As Xias toob fab naj, mas yog xeev ntuj Las Tees As Mes Lis Kas thiab As Fiv Kas tuam teb. Lub 5 hlis xyoo 2019, As Xias toob fab naj muaj cov hav zoov nyob ntawm txoj kab hnub sov li 15 feem pua, tab sis kuj yog qhov uas hav zoov raug luaj ntov ntau tshaj thiab. Teeb meem yog los ntawm neeg luaj teb ntov ntoo los cog txiv ntoo tso roj ntau heev.