Vaj Qhia : Thaum peb rau siab, Tswv Ntuj ua tej yam loj nyob hauv peb.

Vaj Qhia tau xav txog Tswv Ntuj zaj lus no, hais tias Yes Xus ua kom Xis Moos xav tsis thoob txog tias nws yuav nce mus saud Xis Moos lub nkoj, thiab nyob saud qhia sawv daws. Vaj Qhia hais ntxiv tias Yes Xus tseem ua ib qho kev xav tsis tas rau Xis Moos thiab, thaum Yes Xus kom Xis Moos nkuam nkoj mus tov qhov dej tob, kom nws tso vas puav ntses.
Thaum ntawd, zoo nkaus li Xis Moos tsis pom zoo, tab sis nws tau kev txhawb siab ntawm Yes Xus thiab kev ci ntsa ntawm Yes Xus li lus. Nws thiaj ua raws li Yes Xus hais. “qhov no yog qhov lees txais txoj kev ntseeg” Vaj Qhia hais “kev lees txais uas peb tau tib yam, thiab tus cwj pwm kev xav dav uas nws thov ntawm nws cov Thwj Tim, thaum lawv tseem ua hauj lwm rau lub Koom Txoos.”
Xis Moos mloog thiab tso siab ua rau nws ntes tau ntses. Vaj Qhia nthuav tias “Yog peb rau siab rau Tswv Ntuj txoj hauj lwm, mas Huab Tais Yes Xus yuav ua yam loj nyob hauv peb.”
Vaj qhia hais ntxiv tias nod yog yam uas Huab Tais Yes Xus hais rau peb txhua tus : nws thov kom peb tau txais nws los rau hauv peb lub nkoj, kom peb pib lub neej tshiab nrog nws thiab nkuam peb lun nkoj tawm mus nrhiav lub pas dej ntshiab.  Vaj Qhia hais txog Huab Tais Yes Xus lo lus caw peb tias “Muab lub ntsiab lus tshiab rau peb lub neej.” Yog tias peb zoo li Pob Zeb, tej zaug peb xav tsis thoob los yog xav tsis txog qhov kev hu no, Huab Tais Yes Xus yuav txhawb peb, yog peb tso siab rau nws.” Vaj Qhia hais ntxiv “Tswv Ntuj yuav daws peb ntawm txoj kev txhaum, thiab qhib peb mus rau qhov chaw tshiab kom peb tau ua peb li hauj lwm.”
“Qhov hwj huam yees ntxwv loj tshaj uas Yes Xus ua rau Xis Moos thiab cov tub puav ntses , mas tsis yog qhov ua kom lawv puav tau ntses ntau, tab sis yog pab kom lawv tsis poob rau kev tu siab thiab tas siab thaum lawv swb.” Nws hais tshab tias “Yes Xus qhib kev rau lawv tau ua tus tshaj ntuj lus thiab ua tim khawv txog lub Moo Zoo.”