YOG PEB MUAJ MOB PEB YUAV UA LI CAS?

Peb yuav kho sab ntsuj plig nrog txoj sia tib si. Tus ua hwj huam yees ntxwv los kho neeg lub cev nqaij daim tawv nrog rau tus dab phem, ua phem, thiab tus kab mob kom zoo hlo mas yog Tswv Ntuj ib leeg; uas nws muab hwj chim rau nws Leej Tub Yes Xus kom nws cawm peb ntawm qhov phem ntawd. Peb yuav tau thov nws pab peb zoo li thaud tus dig muag tau thov Yes Xus tas zog kom pab kho nws lub qhov muag kom pom kev tam sid. Ces tus dig muag thiaj tau txais kev cawm raws li nws thov tiag.

Peb yuav kho ob yam tib si li nram no :

1. Kho lub cev thiab txoj sia uas txawj laus txawj tuag.
2. Kho mus rau sab ntsuj plig, txoj sia, lub cev uas yuav ua mus rau lwm tiam kom txhob raug kev mob thiab kev laus tuag lawm.

Kho lub cev thiab txoj sia, mas yog yuav muab txhiam xws kom txaus noj yug siav thiab muab tshuaj kho tus kab mob uas raug rau yus lub cev nqaij daim tawv. Kom yus ua tau lub neej nyob laus nkoos mam zoo siab tuag.

Kho mus rau sab ntsuj plig, txoj sia thiab lub cev laus yuav hla mus rau lwm tiam kom txhob raug kev mob thiab kev laus tuag lawm. Vim yog qhov yus yuav tau npaj thaum yus ua lub neej zwm rau Tswv Ntuj, tso siab rau Tswv Ntuj ib leeg. Yus tsim koob hmoov tseg ua ib tus neeg muab yus txoj kev txhaum tua pov tseg kom tag mus, ces hnub kawg yus thiaj yuav tau txais lub neej ntshiab lub cev ntshiab tsis lo txhaum rov los ua yws tug. thiab yus thiaj yuav tsis pom kev mob kev tuag lawm. Qhov no, yog qhov uas yus yuav tau haj yam ceev faj thiab kho tiag tiag.

Peb yuav tsum nco ntsoov tias muaj ib hnub peb lub cev no yuav tsum tuag mus raws li Ntawv Thoob Tsib hais, tab sis tus raws kev ncaj ncees yuav tau txais txoj sia nyob mus li.

“Tswv Ntuj tsis tau tsim txoj kev tuag. Nws tsis xav pom cov muaj txoj sia ploj. Tswv Ntuj tsim txhua yam kom muaj txoj sia nyob. Txhua yam Ntuj tsim los nyob ntiaj teb no xav noj qab nyob zoo. Tsis muaj tshuaj lom neeg nyob hauv txhua yam. Ib txwm txoj kev tuag tsis ua vaj kav lub ntiaj teb no. vim kev ncaj ncees muaj txoj sia nyob mus li.” (TT 1:13-15)