40 feem pua ntawm kev nplua nuj nyob Is Ntias, 1 feem pua yog nyob hauv cov neeg nplua nuj tshaj xib teg.

Wednesday, February 15, 2023

Raws kev tshaj tawm ntawm Oxfam uas muab los tshaj nyob hauv World Economic Forum, hauv lub nroog Davos. Pom tau tias kev lag luam nyob Is Ntias teb nce siab tuaj nyob hauv lub caij kab mob sib kis.

Cov neeg nplua nuj nyob Is Ntias teb raug them se 2 feem pua ntawm lawv lub cuab tam nplua nuj. Ces cov nyiaj ntawd yuav pab txhawb nqa thiab saib xyuas cov neeg tsis muaj noj haus hauv lub teb chaws li ntawm 3 xyoos tom ntej no.

Cov neeg nplua nuj tshaj 1 feem pua ntawm tsoom pej xeem Is Ntias yog cov muaj nyiaj 40 feem pua nyob hauv lub teb chaws. Hos cov neeg nrhiav tau nyiaj tsawg yog 50 feem pua, xam ua kev nplua nuj hauv lub teb chaws li ntawm 3 feem pua.

Nod yog tus zauv ntawm Is Ntias teb nyob hauv xyoo 2021, uas tshaj tawm hais txog kev tsis sib luag los ntawm Oxfam International. Hauv kev sab laj World Economic Forum nyob hauv lub nrog Davos. Kev soj ntsuam no pib txij thaum tus kab mob sib kis los, cov neeg nplua nuj nyob Is Ntias teb muaj nyiaj dua qub tuaj li ntawm 121 feem pua, los yog 36 plhom rupee nyob hauv ib hnub. Yog hais txog cov neeg nplua nuj 5 feem pua ntawm tsoom pej xeem Is Ntias, mas lawv nplua nuj tuaj li ntawm 60 feem pua. Yog tias 10 tus neeg nplua nuj tshaj plaws nyob Is Ntias teb raug sau se li 5 feem pua, mas yuav daws tau cov teeb meem kev kawm txuj ntau heev.

Cov se ntawm ib tug neeg nplua nuj uas sau se ib zaug nyob hauv cov xyoo 2017 txog 2021, mas twb tau li ntawm 79,000 plhom rupee lawm. Ces txaus ntiav cov xib hwb qhia ntawv ib xyoos no yog 5 plhom leej.