CARITAS CEEB TOOM TXOG KEV KUB NTXHOV RAU COV NEEG THOJ NAM NYOB BOSNIA-HERZEGOVINA

Thursday, January 21, 2021

Cov Caritas uas nyob Is Tas Lias ceeb toom kev kub ntxhov tsis ncaj ncees rau cov neeg thoj nam nyob Bosnia thiab Herzegovina. Vim lawv tsis muaj hluav taws xob siv, ces tsis muaj cov tshuab ua kom huab cua sov, qhov nov yog teeb meem kev kub ntxhov rau cov neeg thoj nam, vim lawv yuav tuag no.

Caritas Is Tas Lias hais tias ; nyob hauv lub yeej thoj nam uas raug kub hnyiab tim 23 lub 12 hlis tsaib no, mas yuav no heev thiab yuav muaj kev tshais chaw tsis tseg. Lub yeej thoj nam ntawd muaj cov neeg thoj nam nyob li ntawm 1000 leej, thiab yog cov neeg thoj nam uas khiav ntawm As Kas Nis Taas teb thiab Xis Lias teb tuaj.

Raws li kwv yees mas txij xyoo 2018 los, muaj cov neeg thoj nam li ntawm 70,000 leej mus nyob Bosnia thiab Herzegovina. Cov neeg thoj nam feem coob tau khiav mus rau Aws Los Pas tuam teb, tshuav li ntawm 8,500 uas mus tsis tau. Tau 2-3 lub lis piam tag los, cov Tswv Qhia Is Tas Lias, Vaj Qhia Fas Ntshis Kus thiab cov Caritas nyob Bosnia tau xa kev pab mus rau cov neeg thoj nam, yam li faib khaub ncaws tiv no rau cov neeg thoj nam 1,500 leej.

https://www.vaticannews.va/en/church/news/2021-01/bosnia-herzegovina-migrants-humanitarian-catastrophe-politics.html