COV HAIV NEEG TSAWG HAUV KEV TEEV HAWM TAWM TSAM COV KEV TEEV HAWM

Cov His Ntus, cov Phus Thas thiab cov neeg ntseeg sib koom siab taij thov kom cov tseem hwv pab tiv thaiv lawv ntau dua qub. Lawv tau sib koom siab nrog cov His Ntus tawm tsam yoo mov, cov His Ntus nyuam qhuav raug cov Mawv Xis Lim tua tuag 7 leej los ntawm kev tsis sib haum xeeb. Tsis tas li ntawd hnub tim 13 lub 10 hli dhau los, cov Mawv Xis Lim kuj tau hlawv lawv cov tsev li ntawm 100 tawm lub. Yog lub caij tab tom ua hmoov tsuj xeeb Durga Puja. Kev kub ntxhov yog los ntawm yawg Hos Xes uas yog cov Mawv Xis Lim siab tawv. Tam sim no cov tub ceev xwm muab nws kav nruj kawg, vim nws lees tias nws yog tus tsim cov teeb meem no.

Tas cov neeg ntseeg, cov Phus Thas thiab cov His Ntus uas yog cov haiv neeg tsawg nyob thoob teb chaws tau thov kom cov tseem hwv them cov nqi piam sij ntawm cov tsev teev hawm, kho mob rau cov neeg raug mob thiab them 2 plhom nyiaj rau cov neeg raug tua tuag tsev neeg. Tsis tas li ntawd, cov tseem hwv yuav tsum nrhiav chaw nrhiav tsev rau cov neeg uas lawv tej vaj tse raug hlawv, kom lawv muaj tsev nyob.