Cov haiv neeg tsawg nyob hauv cov kev teev hawm pib tawm tsam khaj cai

Saturday, September 10, 2022

Hnub tim 11 lub 8 hli no, Voice for Justice tau tsa kom muaj kev tawm tsam taij thov txoj cai sib luag rau cov neeg ntseeg thiab cov His Ntus. Ntau tus thawj coj tawm tswv yim ua ke thiab sib koom ua ib lub siab.

Tseem hwv Pas Kis Taas yuav tsum daws kho txoj cai thiab ua tej yam los txhawb nqa kev muaj vaj huam sib luag, txhawb nqa kev ncaj ncees ntawm tsoom pej xeem thiab tsis txhob muaj sib cais sib faib. Nod yog kev taij thov ntawm cov neeg tuaj sib sau tawm tsam nyob hauv hnub tim 11 lub 8 hli no, nyob hauv lub nroog Sahiwal, Vehari thiab Multan. Voice for Justice (VFJ) ua los tsuj xeeb cov haiv neeg tsawg hnub nyob hauv lub teb chaws.

Nyob Lab Hos, tej lub koom haum Pas Kis Taas tau khaj cai yoo mov 2 hnub nyob ntawm cov tseem hwv lub tuam tsev hauv lub xeev Punjab, lawv tsis txaus siab thiab ntxhov siab txog txoj cai ntawm cov sawv cev cov haiv neeg tsawg. Lawv hais tias tsis ncaj ncees thiab tsis muaj vaj huam sib luag. Cov neeg khaj cai thov kom muaj kev daws kho sai sai, kom muaj kev cia siab tias cov haiv neeg tsawg yuav muaj txoj cai thiab saib sawv daws sib luag. Thiab yuav pub kom nyias muaj nyias tus sawv cev nyob hauv kev tawm suab xaiv tsa.