COV KOOM TSHAJ SUAV SAIB COV KEV TEEV HAWM ZOO LI CAS

Cov tub txawg tub ntse hais txog txhua txoj cai nyob txawv teb chaws hais tias : cov tseem hwv Suav tab tom ntsia cov kev teev hawm uas xav tias yuav ua kom neeg sib tawg thiab txw kom neeg muaj kev pauv ntxeev, los sis ua kom neeg hloov siab tsis npuab tseem hwv. Kho cov kev teev hawm raws liv xwm nyob hauv lub teb chaws uas tam sim no muaj kev ntxhov quav niab heev zuj zus. Tseem hwv muab siab rau hloov kho thiab rhuav tshem.

Nouri Tourke uas yog tus lwm thawj tswj fab kev teev hawm ywj siab txawv teb chaws ntawm tseem hwv As Mes Lis Kas hais tias : cov neeg txhawb nqa kev ncaj ncees ntawm haiv neeg Us Yis Kus thiab As Mes Lis Kas, yog tshwm sim nyob hauv lub yeej kev kawm tshiab nyob Suav teb. Tsis hais kev lom zem thiab txoj kev teev hawm twg puav leej ntsia tias yog ua teeb meem. Tsis tas li ntawd cov tseem hwv Suav tab tom npaj tsim kev teev hawm tus yeeb yam tshiab, uas muaj lub npe hu ua “Kev ua txhaum”.

Hais txog kev kaw cov neeg Us Yis Kus, mas feem coob yog cov Mawv Xis Lim. Kev hiam cov haiv neeg tsawg hauv kev teev hawm, yog cov Fas Loos Koos, cov Us Yis Kus, cov Tis Npes, cov Mawv Xis Lim thiab cov neeg ntseeg.

As Mes Lis Kas tus pwm tsav txawv teb chaws hais tias : muaj cov Us Yis Kus li ntawm 1 plhom tawm leej thiab cov haiv neeg tsawg uas yog Maiv Xis Lim raug kaw nyob hauv yeej thoj nam, thiab muaj 2 plhom leej tau txais kev kawm ntawv yav nruab hnub.

Nis Nas Xias uas yog ib tug laus neeg fab kev teev hawm hais tias : tab txawm cov tseem hwv tsis ntes cov neeg ntseeg kaw coob cuag cov Us Yis Kus, tsis kav ntau tug thawj coj ntawm cov neeg ntseeg kuj raug ntes kaw yam tsis muaj hnub txiav txim, vim lawv tsis ua raws tseem hwv txoj cai.