COV NEEG LAUS NYOB THAIB TEB TSIS TAU NKAUG TSHUAJ VACCINE

(Bangkok post)

Monday, September 13, 2021

Raws kev soj ntsuam kev nkaug Vaccine nyob Thaib teb, mas pom tias cov neeg laus yog cov tau nkaug tshuaj Vaccine tsawg tshaj plaws. Lwm cov teb chaws lawv saib cov neeg laus yog cov tsis muaj zog thiab yog cov neeg tseem ceeb tshaj plaws ua ntej hlo, ces lawv muab siab rau nkaug Vaccine rau cov laus. Kev nkaug Vaccine nyob Thaib teb mas tsuas yog 6 feem pua ntawm tas tsoom pej xeem Thaib xwb. Cov neeg laus nyob Thaib teb muaj li ntawm 10 plhom tawm leej, yog 15 feem pua ntawm cov neeg laus uas tsis yog me nyuam yaus.

Thaib teb yog ib lub teb chaws nyob hauv 30 lub teb chaws uas lub rooj ntawv xov xwm Reuters soj ntsuam thiab pom tias cov neeg laus tau nkaug Vaccine tsawg heev. Muaj coob leej xyav moo tias tsaib no, kev nkaug Vaccine ntawm Thaib teb ua rau neeg tuag coob yuav luag npaum cov tuag los ntawm tus kab mob COVID-19.

Mas Les Xias teb uas yog ib lub teb chaws nyob npuas Thaib teb, mas cov neeg laus tau nkaug Vaccine 64 feem pua rau lub 8 hli tag los. Muab piv rau tsoom pej xeem Mas Les Xias tag nrho mas yog 42 feem pua. Is Ntos Nes Xias teb muaj cov neeg laus nkaug Vaccine 17 feem pua, thiab yog cov nkaug Vaccine txwm 2 koob. Nyob Thaib teb mas tom qab tus kab mob COVID-19 sib kis loj nyob Bangkok, mas cov neeg laus uas nkaug Vaccine muaj tsawg, vim sawv daws ntshai txog cov neeg tuag los ntawm nkaug tshuaj Vaccine. Lub 4 hlis xyoo no cov neeg laus uas hnub nyoog 60 xyoo rov saud, muaj 8.7 feem pua raug tuag los ntawm kev mob COVID-19 thiab nkaug Vaccine. Ces thiaj ua rau kev nkaug Vaccine rau cov neeg laus qeeb kawg.