COV NEEG NTSEEG DAS LIS NYOB IS NTIAS TES.

Cov neeg ntseeg nyob Is Ntias teb sib sau nyob hauv hnub Black Day hais tias : tam sim no cov neeg ntseeg Das Lis (Dalits) tab tom raug teeb meem. Lo lus “Dalits” txhais tias ploj los sis poob qis. Yog ib lo lus siv saib tsis taus cov Ntsas Thas lub caij cov His Ntus vam meej ntau tiam tag los. Vim lub caij ntawd, mas cov His Ntus muaj zog hos cov Ntsas Thas raug luag tej saib tsis taus thiab raug quab yuam heev. 
Xyoo 1950, Is Ntias thawj tug Txoov Tim Tswv tau txwv tsis pub tsoom pej xeem teev lwm txoj kev teev hawm, tsuas pub teev hawm txoj cai His Ntus xwb. Xyoo 1956, tsoom pej xeem muaj kev taij thov txoj cai, ces cov tseem hwv thiaj pub lawv teev hawm txoj cai Xis. Thiab xyoo 1990, cov tseem hwv thiaj tso cai rau cov teev hawm Phus Thas. Tab sis cov Mawv Xis Lim thiab cov teev lwm txoj kev teev hawm, mas tseem raug tseem hwv kav nruj thiab tsis pub lawv taij thov txoj cai. 
Hnub uas yog Black Day, mas cov neeg ntseeg Dalits thiaj tawm tsam tiv tus Txoov Tim Tswv txoj cai txwv uas tshaj tawm hnub tim 10 lub 8 hli xyoo 1950. 
Cov neeg ntseeg Dalits nyob Is Ntias teb muaj 60 feem pua ntawm cov His Ntus. Cov neeg ntseeg His Ntus muaj 1 plhom 300 txhiab leej nyob thoob Is Ntias teb. Cov Mawv Xis Lim muaj li ntawm 14 feem pua. Cov ntseeg Kav Tos Liv nyob Is Ntias teb, yog lub zog ntawm cov neeg ntseeg Dalits. 
Tam sim no cov neeg ntseeg txhawj xeeb txog kev sib sau sab laj ntawm cov Tswv Qhia Kav Tos Liv nyob Is Ntias teb, vim muaj kev sib tawm tsam tiv cov tseem hwv txoj kev tseev tsim. Kev sib sau los yog sib koom nyob hauv hnub Black Day thawj zaug, mas yog xyoo 2009, thiab yuav tsa kom muaj kev sib sau li ntawd txhua txhua xyoo. Muaj lub Koom Txoos ntseeg nyob Is Ntias teb thiab cov neeg ntseeg Plos Tes Taas Dalits ua cov tsa kev sib sau CBCI.