Cov neeg ntseeg Lis Npaas ua qhov chaw nruab nrab, tab sis Hezbollan ua kom kev sib txeeb cig ua hluav taws

Hauv daim ntawv sau cim luv luv, cov thawj coj neeg ntseeg tau thuam txog “daim ntawv tso lus kheev tua neeg”, uas cov teb chaws sab hnub poob muab rau Netanyahu. Thiab txoj kev phem uas cov Hamas tau ua rau tsoom pej xeem. Kev ntshai yog ntshai tsam lub teb chaws rais ua tsov rog thiab rov muaj kev khiav ua neeg thoj nam dua. Txoj kev txhawb nqa ntawm Is Laas teb ua kom sib kis mus txog His Xas Lais teb thiab Lis Npaas teb.

Cov neeg ntseeg  nyob sab hnub tuaj tau sib sau nyob hauv cov Tswv Qhia Kav Tos Liv thiab cov Tswv Qhia nyob Lis Npaas (Apecl). Lawv tab tom ntsia ntsoov, lawv chim siab thiab ntshai rwg txog “daim ntawv tso lus kheev tua neeg” uas cov teb chaws sab hnub poob muab rau Benjamin Netanyahu. Yog hais txog cov His Xas Lais muaj cai txuag lawv tus kheej ntawm cov Hamas tsim kev kub ntxhov nyob GAZA hnub tim 7 lub 10 hli no. Kev ntshai thiab poob siab yog los ntawm al-Qassam txoj kev ua phem thiab tua cov neeg dawb huv uas lawv tab tom ua si lom zem. Cov thawj coj neeg ntseeg tsis tau zais txoj kev ntshai tias tsam thaj av Xis Das yuav poob mus rau hauv tsov rog uas muaj kev kub ntxhov tsis raws li siab xav.

Txawm li cas kuj xij, qhov zoo ntawm kev tseev tsim zim txwv no ua kom cov tseem hwv tsis tuaj yeem hais tau qhov tseeb uas Lis Npaas teb ua qhov chaw nruab nrab ntawm kev sib hais haum nyob GAZA. Li ntawd, kev piam sij ntawm kev ncaj ncees hauv kev kub ntxhov yeej yuav muaj tuaj. Cov neeg ntseeg thiab cov pej xeem Lis Npaas vam txog kev nrog lwm teb chaws sib txuas lus, thiab kev pab ntawm As Mes Lis Kas kom zam kev sib ntaus rog. Vim lawv paub tias ua tsov rog yuav muaj qhov phem tshwm sim ntau nyob hauv cov neeg ntseeg sab hnub tuaj. Yav tag los lawv twb tau ntsib kev tuag los ntawm Is Lav thiab Xis Lias txoj kev sib ntaus rog lawm.