Cov neeg Thaib ceeb thiab lawv xav tau lo lus teb ntawm kev tua cov me nyuam yaus

Monday, October 24, 2022

Nyob Thaib teb, mas tsoom pej xeem poob siab thiab cov tseem hwv Thaib tau hais meej txog 37 leej uas raug tua tuag. Nyob hauv cov neeg raug tua tuag muaj 23 leeg yog me nyuam yaus. Tus neeg tua ntawd yog ib tug qub tub ceev xwm. Nws nqa phom mus tua neeg nyob hauv lub tsev kawm me nyuam yaus kawm ntawv hu ua Uthaisawan, hauv lub xeev Nongbualamphou uas nyob toob fab pej hauv Thaib teb.

Tus txiv neej uas xuas phom rov tua nws tuag kuj yog tib rab phom uas nws tua cov me nyuam yaus. Nws tau tua nws poj niam thiab nws tus me nyuam tuag, thiab nws rov xuas phom tua nws. Tseem muaj 12 tus neeg uas raug mob thiab 5 leeg sab kawg. Tib hnub ntawd thaum tsaus ntuj, mas vaj ntxwv Thaib thiab niam vaj ntxwv tau mus xyuas cov neeg raug mob pw hauv tsev kho mob thiab mus tsham lawv tsev neeg.

Lub Koom Txoos nyob Thaib teb kuj tiv txog cov xwm txheej no, vim tias yog ib yam xwm loj uas ceeb neeg kawg. Tus Tswv Qhia uas nws yog tus thawj ntawm rooj ntawv xov xwm Kav Tos Liv hais tias : tsis muaj leej twg xav txog tias, cov xwm txheej zoo li no yuav tshwm sim nyob hauv peb lub teb chaws thiab tshwm sim nyob ib qho chaw twg hauv ntiaj teb no.