Cov neeg tuag ntawm tej ntug kev, ntshai tsam kab mob huam loj tuaj

Tam sim no cov neeg mob COVID-19 nyob thoob Thaib teb muaj tshaj 700 tawm txhiab leej, thiab muaj neeg tuag li ntawm 6,000 tawm leej lawm. Pom tias cov neeg mob COVID-19 niaj hnub nce siab zuj zus thiab kuj muaj coob leej cia li vau tuag nyob hauv tuam ceeb Bangkok, ces ua rau ib tsoom neeg xyav ncha ntws nyob hauv Social Media. Cov tseem hwv Thaib cog lus yuav Vaccine Pfizer 20 plhom hwj, tab sis xav tias cov Vaccine ntawd yuav tau txais rau thaum yuav xaus lub xyoo 2021.

Tus kab mob sib kis heev zuj zus, ces ua rau neeg tuag ntawm tej ntug kev nyob Bangkok li 4-5 leeg lawm, thiaj yog ib yam xwm ceeb ntshai rau tas tsoom pej xeem thiab Social Media. Cov neeg vau thiab tuag ntawm ntug kev, raws cov kws kho mob soj ntsuam, mas muaj 2 leeg yog tuag los ntawm tus kab mob COVID-19.