Cov neeg Xis Laas Kas ntau pua leej nyiag kev khiav mus Aus Thas Lias teb

Nyob Xis Laas Kas kev lag luam poob qis, ces ua rau tsoom pej xeem poob rau hauv cov neeg ua luam neeg tes. Kev nyiag kev khiav mus rau ntug dej Aus Thas Lias yog siv sij hawm li ntawm 21 hnub. Siv nyiaj li ntawm 4,000 US dos las thiab tseem muaj tej  yam txaus ntshai kawg. Tej tus neeg uas lawv xav khiav, nws tau piav ntau yam txog lawv. Yog vim kev lag luam hauv Xis Laas Kas teb poob qis heev, ces tsoom pej xeem Xis Laas Kas tshaj 300 leej thiaj nrhiav kev nyiag hla mus rau Aus Thas Lias teb thiab poob nyiaj ntau kawg rau cov neeg ua luam neeg.

Cov tub ceev xwm Xis Laas Kas tau khuav ntau lub nkoj ntes ntses uas lawv nyiag thauj cov neeg khiav, thiab muaj 2 lub nkoj khiav mus txog Aus Thas Lias teb. Tab txawm muaj ntau lub tshaj xyam tshaj tawm txwv tsis pub cov neeg Xis Laas Kas khiav tawm teb chaws, tsis kav Aus Thas Lias teb kuj tseem yog lub hom phiaj tom ntej rau cov neeg khiav dim mus.