Cov nom tiv tseem hwv Tws Kis yeej kev sib tawg, Kilicdaroglu thov twv nrog Erdogan hais txog kev sib txeeb ua Txoov Tim Tswv

Xov xwm niaj hnub no, hais txog UN mas pom tias cov Taliban txoj kev ua lim hiam rau cov poj niam As Kas Nis Taas yog zoo nkaus li kev tua neeg. Cov Koom Haum kev kawm txuj Kav Tos Liv nyob Fis Lis Pees thuam hais txog kev xyaum tub rog, tom qab muaj neeg tuag tsis paub txog dab tsi nyob hauv ib lub tsev kawm txheej siab. 

Tehran ua pov thawj tias kev tua neeg ntawd yog kev hla txoj cai ntawm kev hnav tsoos tsho cov neeg Islam nyob hauv xyoo 2022. Cov me nyuam yug tshiab nyob Zis Pees teb muaj qis dua 800,000 leej yog thawj zaug. 

Kilicdaroglu uas nws muaj 74 xyoos, nws yog tus thawj coj ntawm pab nom sawv pej xeem cev tiv cov tseem hwv Tws Kis, nws thov twv nrog Erdogan nyob hauv kev pov ntawv xaiv tsa Txoov Tim Tswv rau hnub tim 14 lub 5 hlis xyoo no. 

Tom qab kev ua nruj nruj lub lis piam tag los, ‘Table of Six’ tau txais kev pom zoo ntawm Turkish Gandhi uas yog pab nom lees txais pab IYI cov lus nyob hauv kev teeb tsa tus pwm tsav ntawm Istanbul thiab Ankara ua lwm Txoov Tim Tswv, yog tias lawv yeej kev xaiv tsa. 

Kev ua lim hiam rau cov poj niam thiab cov me nyuam ntxhais ntawm cov Taliban nyob As Kas Nis Taas teb, mas zoo nkaus li yog kev tua neeg. Nov yog qhov tshwm sim uas UN tshaj tawm nyob Ntses Nis Vas. Lawv hais tias : cov tub kawm ntawv Koranic muaj hwj chim quab yuam neeg txij lub 8 hli tsaib ub los lawm. 

Lawv quab yuam mos deev, zoo li yog txhob txwm ua hla txoj cai thiab rho cov poj niam tawm ntawm lub neej tab meeg nyob.

Cov Koom Haum kev kawm txuj Kav Tos Liv nyob Fis Lis Pees (Ceap) thuam tias : kev sib thab sib zeg thiab kev sib thab plaub nyob hauv tej tsev kawm ntawv, hais meej tias kev ua li no yog tsis muaj qab hau. Thiab ua tau yam tsis muaj nqis nyob hauv Ntawv Ntshiab. Kev sau sim tseg no tau raws John Matthew Salilig uas nws muaj 24 xyoos txoj kev tuag. Nws yog ib tug tub kawm nyob hauv tsev kawm ntawv txheej siab Adamson nyob Mas Nis Las. Nws tuag los ntawm kev sib thab sib zeg.

Tehran paub meej tias kev ua nruj nruj hais txog kev hnav tsoos tsho ntawm cov Mawv Xis Lim, mas yog lub cim ntawm kev sib tawm tsam tom qab  Amini uas yog tus thawj ntawm kev ncaj ncees tuag. Mohseni Ejei hais tias : kev hla txoj cai yuav raug rau txim raws Sharia uas yog Islam txoj cai. Cov tub ceev xwm saib xyuas kev ruaj ntseg yuav tau txais lus tso cai txhua yam, kom tau cheb ntxuav yog neeg tsim kev kub ntxhov ua kom pej xeem tsis tau zoo nyob.  

Xyoo 2022, cov me nyuam yug los tshiab nyob Zis Pees teb muaj tsawg dua 800,000 leej uas yog thawj zaug. Muab xam los mas cov me nyuam yug los tshiab tsawg heev tsis txog 1 plhom 500 leej nyob hauv cov xyoo 1980. Tus zauv no yog xam ntawm cov me nyuam uas yug los ntawm cov niam txiv tsis yog neeg Zis Pees nyob Zis Pees teb thiab cov me nyuam uas yug los ntawm cov niam txiv Zis Pees nyob txawv teb chaws. Thiaj ua rau cov me nyuam yug los tshiab nyob hauv tsaib ub tsawg lawm 44,000 leej los yog 5 feem pua. 

Roskomnadzor yog fab hauj lwm tsom kwm ntawm Lav Xias, lawv tau Block lub tsev vas los yog Website Mediazona Belarus lawm. Nyob Lav Xias teb, mas yuav tsis muaj leej twg tuaj yeem nkag tau ntxiv mus. Ib yam li nyob As Xias nrab ntawm Freedom on the Net hauv xyoo 2022. Muaj kev Block Internet 637,000 zaug nyob Lav Xias. Yog qhov meej thiab ruaj kho nyob hauv 15 xyoos dhau los ntawm kev soj ntsuam tsom kwm hauv tsov rog. 

Ob tug Txoov Tim Tswv ntawm Kas Ntxas Taas teb thiab Us Npes Kis Taas teb, xws li yawg Tokaev thiab yawg Mirziyoyev tau sib ntsib nyob sab hnub tuaj hauv lub nroog Kazakh nyob Kas Ntxas Taas teb. 

2 tug Txoov Tim Tswv sib ntsib tsis yog mus raws txoj cai, nkawd tsuas yog sib tuav xam hais txog kev mus tsham As Mes Lis Kas teb xwb. Vim zaum kawg no, As Mes Lis Kas tus pwm tsav txawv teb chaws twb tau tuaj tsham 2 lub teb chaws no lawm. Thiab nkawd sib tuav xam txog qhov yuav ua li cas rau Lav Xias teb. Tsis tas li ntawd, nkawd kuj tau tuav xam hais txog kev yuav sib koom tes ntawm cov tuam tsev tsim toob xib, kev ua liaj ua teb thiab txhua yam ntawm tib neeg lub neej.