COV NTSEEG THIAB TSEEM HWV THAIB TXOJ CAI 301 THIAB 305

Friday, February 19, 2021

Lub rooj pwm tsav tseem hwv tau hais txog txoj cai kev ntaus nchuav me nyuam, uas yog txoj cai yuav muab los siv ua ntej hnub tim 12 lub 2 hlis 2021 no. Muaj ntau pab nom thiab ntau pawg neeg nyob hauv lub Koom Txoos nrog tau tsoom poj niam thiab lub Cheeb Koom Txoos Bangkok sib sau hais txog tseem hwv txoj cai nqe 301 thiab 305. Yog hais txog kom sawv daws sib pab xav tswv yim thiab xav txog tib neeg thiab tseem hwv txoj cai kav pej xeem. Lub ntsiab tseem ceeb ntawm 2 nqe lus no yog qhov tseem ceeb ntawm tig neeg thiab lub Koom Txoos Kav Tos Liv, uas cov tseem hwv thiab lub Koom Txoos yuav tau saib xyuas cov poj niam.

Tswv Qhia Banchong Chaiara hais tias : nws zoo siab qhuas txog thiab thov ua dej siab txhawb nqa tus kws kho mob Jantana Ungchusak uas nws yog tus thawj tswj ntawm cov poj niam thiab Leej Phauj Aranya kidbunchu tau sib koom tsa lub rooj sau siab hais txog tseem hwv tsab cai nqe 301 thiab 305 uas yog qhov chaw ruaj khov ntawm lub Koom Txoos Kav Tos Liv. Lub rooj sau siab no tsa los txhawb nqa tsoom poj niam lub meej mom thiab kev sib koom uas yog ib qhov me me nyob ntawm ib zeej tsoom neeg. Tej yam no kuj yog ib qho kev taw qhia kom cov neeg ntseeg paub txog neeg lub meej mom thiab kev ua neeg. Yog lub zoo sij hawm uas cov ua kom tsoom pej xeem Thaib nco thiab ras txog kev ncaj ncees. Nco txog neeg lub meej mom thiab kev muaj vaj huam sib luag ntawm tib neeg. Muaj 2 lo lus uas Tswv Qhia nyeem yog sau cim txog cov me nyuam thiab tso tseg kev nchuav me nyuam (Save Baby Stop Abortion), thiab hais txog cov poj niam xeeb tub. Tswv Qhia pom tias yog ib qho zoo heev rau cov neeg ntseeg thiab yog lub Koom Txoos qhov chaw nres. Kom tsoom pej xeem Thaib sawv daws nco ntsoov txog 2 lo lus no mus li. Tswv Ntuj tsim neeg xws li Tswv Ntuj tus duab, thiab Tswv Ntuj tso neeg ua tus kav tas puas tsav yam uas Tswv Ntuj tsim los. Li ntawd, thov kom sawv daws txuag thiab tsis txhob rhuav, tsis txhob txo neeg txoj sia yam li kev nchuav me nyuam. Vim tib neeg txoj sia yog txoj sia thiab muaj vaj huam sib luag, txawm tias muaj thiab pluag los tsis sib txawv. Vim li ntawd tus me nyuam xeeb nyob hauv leej niam plab, peb yuav tsum hlub lawv ib yam li peb hlub peb. Kev sib sau sab laj zaum no, yog ib txog kev ua kom neeg txawj sib hwm thiab txuag neeg txoj sia.