Cov poj niam raug quab yuam kom nyob hauv cov zos uas dej nyab nyob Pas Kis Taas teb

Thursday, October 20, 2022

Muaj 400 tus neeg nyob hauv lub zos Basti Ahmad uas yog ib lub zos me me nyob Pas Kis Taas teb. Lub zos ntawd raug dej nyab teev dej puv tas thiab tsoom pej xeem yoo tshaib muaj mob. Tab sis lawv raug txwv tsis pub khiav ua thoj nam, ces cov poj niam hauv zos nyob xyaw tej tus txiv neej uas tsis yog lawv tus txiv. Qhov no thiaj ua rau lawv raug yuam cai thiab ua tej yam tsis zoo. Cov poj niam lawv hais tsis tau dab tsi, txhua yam yog nyob ntawm tus hau zos txiav txim siab. Muaj ib tug poj niam hu ua Shireen Bibi nws muaj 17 xyoo, nws hais tias muaj neeg nug nws tias nws puas xav mus nyob lwm qhov chaw, mus nyob hauv cov yeej uas dej tsis nyab.

Nws hais tias peb yog neeg Balock, lawv tsis pub peb cov poj niam tawm mus dhau lub zos Basti Ahmad. Ces cov neeg Balock yoo tshaib thiab lawv nyob hauv tsev xwb. Nyob hauv ntau thaj tsam nyob Pas Kis Taas teb, mas cov poj niam mloog cov txiv neej hais thiab lawv raug kav nruj nruj. Yog tias tus poj niam twg cav ncauj nrog tus txiv thiab tsis mloog hais, mas kuj yuav raug tua pov tseg. Cov poj niam zoo li no yog cov uas lawv xaiv txiv, lawv tsis mloog tsev neeg hais.