COV THAWJ TSWV QHIA NYOB AS MES LIS KAS QHUA TSEEM HWV KEV FAIB VACCINE THOOB NTIAJ TEB

Sunday, July 04, 2021

Cov thawj Tswv Qhia nyob As Mes Lis Kas teb hais ib co lus qhuas txog tus Txoov Tim Tswv Biden uas nws tau hais tias yuav faib 500 hwj tshuaj Vaccine rau cov teb chaws uas tab tom nyob hauv txoj kev txhim kho, thiab thov kom nws cov tim xyoob koom tes nrog cov Kav Tos Liv thiab lwm cov neeg. Tsis tas li ntawd, cov Tswv Qhia tseem hais ntxiv tias Biden cog lus tias yuav yuav Vaccine Pfizer 500 plhom hwj faib rau 100 lub teb chaws uas pluag txom nyem thiab. Ces vam tias Biden pab neeg thiab cov Kav Tos Liv nrog rau lwm txoj kev teev hawm yuav sib pab faib cov Vaccine ntawd.

Raws li kev sab laj ntawm cov teb chaws G7 lub lis piam tag los, mas Aas Kiv teb, As Mes Lis Kas teb thiab lwm cov teb chaws yuav muab siab rau nrhiav kom tau txhiab vam plhom hwj tshuaj Vaccine rau cov teb chaws uas xav tau kev pab. Kev sib tawm tswv yim thiab sib koom siab zaum no, yog xav nrhiav kev pab cov teb chaws nyob As Fiv Kas thiab As Xias naj.

Vaj Qhia cov lus hais nyob hauv “Urbi et Orbt” xyoo no tias Vaccine yog ib yam twj tseem ceeb uas yuav tiv thaiv tus kab mob sib kis, thov kom tas ntiaj teb paub thiab muab siab rau faib Vaccine mus rau txhua lub teb chaws uas pluag txom nyem. Lub Koom Haum WHO tshaj tias kev faib hom tshuaj Vaccine COVAX, mas tsuas faib tau 90 plhom hwj nyob hauv 131 lub teb chaws xwb. Pom tau tias tseem yog tsawg heev nyob hauv cov teb chaws As Xias Naj thiab As Fiv Kas.