Cov tseem hwv Mias Mas tsis lees txais cov neeg thoj nam ntxiv

Raws kev tshaj tawm ntawm tib neeg kev ncaj ncees hauv lub Leej Haum Kuj (OCHA) hais tias muaj cov neeg thoj nam nyob hauv Mias Mas teb li ntawm ib plhom tawm leej, tab sis raws li cov tseem hwv tub rog Mias Mas uas txeeb kav teb chaws txij lub 2 hlis tsaib no los hais, mas lawv tsis lees txais thiab cov neeg thoj nam ntawd yuav ploj mus kom tas.

Cov tub rog Mias Mas pub sij hawm 1 lub hlis rau cov neeg khiav rau ub rau no, cov coob yog cov khiav ua thoj nam nyob hauv lub nroog Sagaing uas nyob nruab nrab hauv Mias Mas teb, feem coob yog neeg Mias Mas.

Yam li pub kom lawv nrhiav tsev nyob, nrhiav hauj lwm ua thiab ua lub neej nyob thaj yeeb tsis muaj kev sib ntaus rog nyob hauv lub teb chaws. Zim txwv no muaj nyob txhua qhov chaw, tsuas tshwj zias lub xeev Yab Khaim xwb.

Tsis tas li ntawd, yog tus twg yuav qhib qhov rooj tos txais cov neeg thoj nam, mas tsis pub txais ntxiv lawm. Cov tub rog yuav soj ntsuam kom nruj dua qub. Cov tub rog yuav taw phom thiab suav cov neeg nyob hauv txhua lub tsev, txhua yim neeg seb puas muaj tseeb raws li hais. Hauv cov tsev kawm ntawv, muaj cov me nyuam kawm ntawv li ntawm 60 feem pua tsis tau rov mus kawm ntawv.

Kev quav yeeb quav tshuaj muaj txhab ntxiv, vim tsis muaj dab tsi ua. Qee leej khwv noj khwv haus, vim lawv ntseeg kev muaj vaj huam sib luag. Tab sis coob leej tseem yog ua vim kev tua neeg. Kev txhawj xeeb, kev quav yeeb quav tshuaj heev zuj zus. Cov hluas kev cia siab muaj tsawg zuj zus, vim kev kav teb chaws rov los poob nyob hauv cov tub rog tes.