Cov tub ceev xwm Nyab Laj ntes 50 tawm tus neeg tsim kev kub ntxhov hauv zej zog tej chaw ua hauj lwm

Cov tub ceev xwm saib xyuas kev ruaj ntseg nyob Nyab Laj teb tau ntes 50 tawm tus neeg, uas lawv tsim kev kub ntxhov nyob hauv 2 lub tsev ua hauj lwm, hauv lub xeev Dak Lak nyob nruab nrab hauv Nyab Laj teb. 

Hnub tim 23 lub lis piam tag los, tus tshaj lus ntawm lub pwm tsav saib xyuas kev ruaj ntseg hais rau cov tub xov xwm tias : 

“Kev kub ntxhov hnub tim 11 lub 6 hli no, ua rau neeg tuag 9 leeg. Cov neeg muaj feem cuam txog kev tua neeg tsim kev kub ntxhov no yog cov tub ntxhais hluas, uas lawv raug txw kom txhawb nqa tus loj nyob hauv Internet”.

Cov tub ceev xwm tsis hais meej tias : yog leej twg thiab lub Koom Haum twg ua tus txw thiab ua tus txha nqaj qaum ntawm cov tua neeg. 

Kev tua neeg tshwm sim nyob hauv thaj tsam uas muaj cov haiv neeg li ntawm 30 haiv neeg nyob ua ke, hu ua Montagnards. Tsab ntawv xov xwm Nyab Laj tshaj tias : 

cov tua neeg yog neeg Montagnards, tab sis tseem hwv pom tias cov neeg raug ntes tsis yog zoo li ntawd.

Cov Koom Haum kev teev hawm thiab cov pej xeem uas txhawb nqa haiv neeg Montagnards hais rau Radio Free Asia tias : cov Montagnards tsis muaj feem cuam txog kev tua neeg thiab tsis tau rau txim txog kev ua phem. 

Kev chim siab thiab kev tsis nkag siab nyob toj siab hauv nruab nrab teb, tau muaj tom qab ntau caum xyoo ntawm tseem hwv txoj kev ntxig nug tsom kwm hais txog tsoom pej xeem cov av thiab kev nyuab ntawm kev lag luam. Ua rau muaj kev thim av ntau zaus los ntawm cov nom zej zog, cov tub ceev xwm thiab cov tub rog. Cov teeb meem no thiaj ua rau cov tub ceev xwm 4 leeg, cov thawj coj tsoom pej xeem 2 leeg thiab cov pej xeem 3 leeg raug tua tuag. Cov tua neeg tseem tau nyiag ntes 3 tug neeg mus lawm, tab sis muaj 1 tug hauv 3 tug neeg raug ntes khiav dim thiab tom qab lwm cov raug tso dim.

Lub pwm tsav hais tias : “siv txhua txoj cai uas tsim nyog”, kom caum thiab nrhiav ntes cov neeg uas xav tias lawv muaj feem cuam kom tas, yog cov khiav nkaum thiab lwg lawv cov riam phom, lwg cov hoob pob tua neeg ntawm lawv”.