COV TUB KAWM NTAWV NYOB XEEV KAS LIS MAS NTAAS SIB KIS TUS KAB MOB COVID-19

Kev sib sau siab nyob hauv lub tsev kawm ntawv txheej siab nyob hauv lub xeev Kas Lis Mas Ntaas, uas nyob sab hnub poob hauv Is Ntos Nes Xias teb, ces ua rau 30 tus neeg kis tus kab mob Covid-19. Tam sim no muaj ib txhia pw nyob hauv tsev kho mob thiab ib txhia raug kaw kom nyob twj ywm hauv tsev txhob tawm mus ub mus no. Txiv Plig Es Mas Nus Es Yoseph Foat hais tias : cov neeg uas tuaj sib sau siab muaj li ntawm 88 leej, tab sis cov kis mob yog 30 leej. Cov kis mob yog cov neeg Xes Mis Nos xwb, tsis muaj ib tug Leej Phauj los ib tug Txiv Plig kis tus kab mob Covid-19.
Txiv Plig Foat hais tias : lawv tsis paub tias cov neeg sib kis mob ntawd, yog lawv kis tus kab mob tau li cas, vim tias lawv tsis tau tawm ntawm kem tsev Seminary mus qhov twg li. Puas yog lawv kis mob ntawm tej tus neeg txheeb ze uas tuaj saib lawv ? Vim li ntawd, Txiv Plig Foat thiaj thov kom cov thawj tswj lub rooj sau siab kav txoj cai kom nruj, yam li soj ntsuam sawv daws lub cev thiab nyob sib nrug raws txoj cai. Tam sim no Is Ntos Nes Xias teb muaj cov neeg mob Covid-19 228,993 leeg, thiab tuag lawm 9,100 leej.