Cov tub ntxhais hluas Suav 1 feem 4 qhia txog teeb meem kev puas hlwb

Ib tug tub hu nkauj neeg Hooj Koos thiab tus tub txhais lus hauv zaj yeeb yam Mulan hu ua Coco Lee nkawd txoj kev tuag, ua kev tu siab rau cov tub ua yeeb yam uas lawv tab tom muaj kev tu siab nyob thoob ntiaj teb, qee leej lawv xav tua lawv tus kheej thaum lawv hnub nyoog tseem hluas. 

Dhau no lawm kuj tseem ceeb heev rau cov neeg puas hlwb nyob Suav teb thiab. Coob leej nyob Suav teb muaj teeb meem txog kev nyuaj siab, feem ntau yog cov tub ntxhais hluas. Raws kev soj ntsuam, pom tau tias nyob hauv 100 txhiab tus pej xeem tsis muaj cov kws kho mob kho cov neeg puas hlwb txog 2 leeg.  Lub Koom Haum WHO hais tias cov neeg Suav uas lawv puas hlwb, tsuas muaj 9 feem pua xwb thiaj tau txais kev kho. Tom qab ntawm kev sib kis kab mob li 3 xyoos dhau los no, Suav teb muaj cov neeg tsis muaj hauj lwm ua coob tuaj ntxiv, pom tias cov tub ntxhais hluas uas lawv muaj 18-24 xyoos, 24 feem pua ntxhov siab thiab ntsoos. Pom tias cov neeg muaj kev ntxhov siab thiab ntsoos, ua rau lawv puas hlwb yog 10 feem pua.

Coob leej uas lawv raws qab txog Coco Lee txoj kev tuag, mas pom tias kev nyuab siab thiab kev puas hlwb muaj sib txawv nyob hauv txhua tus neeg.

Hais txog ntawm cov tub ntxhais hluas, kev quab yuam hauv kev tseev tsim, kev nyuab ntxhov ntawm kev lag luam, thiab kev xaiv ua hauj lwm yog teeb meem ntawm kev puas hlwb.

Raws kev soj ntsuam hauv lub 6 hli xyoo 2023 no, pom tias cov tub ntxhais hluas nyob hauv lub tsev kawm txheej siab nyob Shandong, 21 feem pua puav leej raug kev nyuab siab ib zaug los lawm. Ces tus uas nws tsis txawj cheem nws lub siab kom txhob rov puas ntsoog, mas qhov rov tua tus kheej muaj ntau kawg.

Raws kev tshaj tawm hauv xyoo 2023 ntawm tseem hwv lub tsev Freedom House, tseem hwv tau kav txhua yam nruj kawg. Hais txog kev ua lub neej, tseem hwv tej hauj lwm, kev hais lus nyob Online, kev coj hauv kev teev hawm, hauv tej tsev kawm ntawv txheej siab thiab hauv cov koom haum zej zog.