COV TUB NTXHAIS KAWM TXUJ SAU SIAB TXHUAG LUS HMOOB

Hnub tim 14 thiab 15 lub 12 hlis 2019 tas los, cov tub ntxhais kawm txuj hauv tsev kawm ntawv txheej siab Naresuan University, xeev Phitsanulok hauv Thaib teb tau tsa rooj sau siab txuag ntawv Hmoob thiab xeem lus Hmoob.
Kev sau siab txuag ntawv Hmoob thiab lus Hmoob, mas lawv txhim tsa los tau 6 xyoo lawm. tab sis xyoo no muaj ib yam txawv txav, vim xyoo no cov tub ntxhais kawm txuj hauv tsev kawm ntawv txheej siab Naresuan University tau caw cov tub kawm txuj txheej siab lwm qhov chaw tuaj koom sau siab nrog lawv thiab; xws li tsev kawm ntawv Pibulsongkram Rajabhat University, Uttaradit Rajabhat University, Kamphaengphet Rajabhat University, Rajamangala University of Technology Lanna (Tak Campus) thiab Boromarajonani College of Nursing Buddhachinaraj los yog tsev kawm ua ntxhais tu cov neeg mob nkeeg tag nrho li 156 leej.