COV YIM NEEG HAUV AS KAS NIS TAS LI 1 FEEM 5 RAUG YUAM KOM TSO LAWV TEJ ME NYUAM MUS UA HAUJ LWM

Lub koom haum txuag tsoom me nyuam (Save the Children Fund) tshaj tias lawv tau soj ntsuam pom tias nyob rau As Kas Nis Taas teb mas tsev neeg li 1 feem 3 lawv tsis muaj peev nyiam lawm txij thaum cov Tas Lis Npaas sawv los tswj lub teb chaws.

Muaj cov tsev neeg 1 feem 5 raug yuam kom tso lawv tej me nyuam mus ua hauj lwm vim nyob hauv 6 lub hlis tas los no lub teb chaws tsis muaj nyiaj. Ziag no muaj cov me nyuam li 1 plhom leej raug yuam ua hauj lwm.

Raws kev soj ntsuam mas muaj cov me nyuam raug yuam ua hauj lwm tshaj 1 plhom leej. Kev lag luam poob qis ua rau tej cuab tam noj haus muaj nqes siab mas sawv daws tsis muaj peev xwm yuav los noj haus tau.

Nyob hauv lub hli tas los, koom haum ILO pom tias nyob hauv As Kas Nis Taas teb mas muaj tsoom pej xeem tshaj 5 puas txhiab leej raug ntiab tawm hauv lawv cov hauj lwm txij thaum cov Tas Lis Npaas sawv tuav lub teb chaws.

Pom tau tias cov Tas Lis Npaas sawv kav teb chaws zaum no ua rau tsoom pej xeem ntsib teeb meem tshaib plab thiab txom nyem yam ntau hauj sim.