COVID-19 SIB KIS LOJ HEEV NYOB AS XIAS NAJ FAB

Hais txog kev sib kis ntawm tus kab mob Covid-19, mas ua kev kub ntxhov loj kawg rau ntau thaj tsam nyob thoob ntiaj teb. Raws li UNICEF hais mas yog cov me nyuam yaus nyob As Xias Naj. Lub Leej Haum Kuj hais tias  tus kab mob Covid-19 tshwm sim thawj zaug, ua rau cov me nyuam yaus 228,000 leej thiab cov niam tsev 11,000 leej tau tag sim neej nyob hauv As Xias Naj. Vim li ntawd tus kab mob tam sim no thiaj yuav tsum muab siab rau saib xyuas cov me nyuam yaus lub cev kev noj qab nyob zoo kom ntau thiab nrhiav kev tiv thaiv kom zoo dua qub. 
Kev sib kis kab mob thawj zaug, mas ua rau txhua yam uas npaj txhij los pab kho cov neeg mob nyob As Xias Naj poob qis lawm ntau heev.
Laryea-Adjei hais tias tas ntiaj teb yuav tsum muab siab rau tshais ruam ntxiv mus, tsis yog tias yuav yoog raws kev cheem tsum ntawm kev ncaj ncees xwb. UNICEF hais tias tus kab mob Covid-19 no ua rau cov me nyuam raug kev kub ntxhov loj tshaj plaws yam tsis tau muaj dua los. Ua rau cov me nyuam tau txoj kev ua ntsuag thiab tsis tau txais kev kawm. Yog tias tseem rov qab raug tus kab mob no dua thiab, mas cov yim neeg pluag txom nyem thiab cov me nyuam yuav tau txais kev txom nyem ib npaug ntxiv. Ntiaj teb lub Koom Haum saib xyuas kev noj qab haus huv (WHO) hais tias kev sib kis tus kab mob Covid-19 nyob As Xias Naj, mas Is Ntias teb yog lub teb chaws muaj neeg mob thiab neeg tuag coob tshaj nyob hauv xeev ntuj As Xias. Cov neeg mob nyob Is Ntias teb yog 46 feem pua ntawm tas cov neeg mob nyob thoob ntiaj teb. Thiab cov neeg tuag yog 25 feem pua ntawm cov neeg tuag nyob thoob ntiaj teb tib yam nkaus.