COVID-19 UA RAU NEEG SUAV 1 FEEM 3 POOB HAUJ LWM.

Lub tuam khw Zhaopin uas nrhiav tub zog nyob Online hais tias : cov neeg poob hauj lwm lub zim txwv no feem coob yog cov hnub nyoog 40 txog 50 xyoo, thiab 21 feem pua ntawm tas cov tub zog. Cov neeg poob hauj lwm uas tsis raws li tseem hwv Suav tsab cai yog 6 feem pua. Cov tub zog uas lawv tsis tau txais nqi zog raws caij thiab cov tswv ntiav zog txiav lawv li nyiaj muaj li ntawm 28 feem pua. Vim li no thiaj ua rau tsoom pej xeem ntau pua leej sib sau tawm tsam tiv lawv cov tswv ntiav zog uas tsis them nyiaj rau lawv. Teeb meem tus kab mob Covid-19 ua kom tsoom pej xeem poob hauj lwm thiab lawv tau cov hauj lwm ua tsis txwm hnub. Yog zoo li no, mas yeej yuav ua teeb meem rau cov tub zog ua hauj lwm lub neej yav tom ntej. Kev lag luam nyob Suav teb 6 lub hlis hauv xyoo no tsuas nce 1 feem pua xwb.