HLOOV LUB NEEJ TSHIAB NYOB HAUV NPEES LAS DES TEB.

Xyoo 1988 muaj ib tug me nyuam tub His Ntus hnub nyoog 13 xyoos, raug ntiab tawm hauv ib lub tsev txiav plaub hau, vim nws yog haiv neeg Dalits teev hawm His Ntus. Cov xwm txheej no ua rau tus me nyuam tub ntawd nco ntsoov tseg thiab yog ib lub cim nyob hauv nws nruab siab. Tab sis nws kuj paub tias lub caij ntawd yeej muaj kev txwv cov Dalits tsis pub nkag mus hauv tej tsev kawm ntawv, tej tsev muag zaub mov noj thiab lwm cov tsev teev hawm. Ua rau cov neeg laus His Ntus thiab cov Mawv Xis Lim muaj kev tsis kaj siab, vim cov His Ntus thiab cov Mawv Xis Lim yog 2 haiv neeg uas luag tej saib tsis tau sib txwm los. 
Tam sim no tus me nyuam tub ntawd loj hlob thiab nws kawm ntawv tiav txheej siab. Nws lub npe hu ua Mis Las. Nws yog tus sawv los nrhiav kev ncaj ncees rau cov Dalit thiab nws yog tus thawj coj ntawm Parittran (Liberation or Salvation) nyob Npees Las Des teb. 
Ntau xyoo dhau los, Parittran thiab cov muaj lub siab xav sib koom kev ncaj ncees tau hloov tseem hwv txoj cai kom hlub haiv neeg Dalits ntau dua qub tuaj. Txawm li ntawd, tsis kav tsis muaj ib yam dab tsi uas khiav dhau lub Koom Txoos ntseeg. Vim muaj Txiv Plig Luigi Paggi thiab Txiv Plig Aas Tos Nis Germano yog 2 tug txhawb nqa kev kawm rau tus hluas ntawd thiab ua kom txoj cai nyob Npees Las Des hloov tej yam tshiab tuaj. 
“Tus qhia kev ntseeg yog tus qhia kom yus txawj ntse thiab qhia kom yus txawj ua tej yam zoo los hloov qhov phem, kom yus txawj taij thov kev ncaj ncees thiab muaj vaj huam sib luag. Ces yus thaij tau ua ib tug pej xeem zoo nyob hauv lub teb chaws. Lawv yog cov cawm peb thiab qhia txoj kev tseeb rau peb tiag”. Cov lus no yog Mis Las ua tus hais.