Hmoob hloov kom haum lub neej nyob As Mes Lis Kas. Part 3

Hmoob hloov kom haum lub neej nyob As Mes Lis Kas

    Hmoob hloov lub neej kom haum rau lub neej nyob As Mes Lis Kas teb, mas yog ib qho zoo heev. Lub pob roj hmab tau los hloov lub pob ntaub yav thaud, hais txog kev pov pob. Kev ua tshoob ua kos, mas ntxhais vauv hnav tsoos tsho hmoob, tab sis cov txais qhua hnav xws li cov neeg sab hnub poob. Muaj ib txhia Hmoob xav hloov lawv tej kev cai yuav niam hlob niam yau, kom yuav ib tug xwb. Cov txiv neej Hmoob nyiam zaum ua tej pab tej pawg nyob hauv cov nroog tej tshav puam, lawv haus yeeb thooj xws li cov hluas haus luam yeeb hluav taws xob. Tub hluas Hmoob zoo yam li cov me nyuam tsov uas nquag nrhiav noj. Nyob hauv lub nroog Minneapolis muaj ib pab tub rog Hmoob uas lawv qhuas kawg. Tab sis kev cai Hmoob tsis haum rau kev cai Mes Kas. Vim kev cai Mes Kas muaj teeb tseg zoo ib yam thiab ruaj khov. Tua tsiaj tsis tas mus yos hav zoov, kev sib yuav yog kev xaiv ywj siab, lub cev nqaij kev noj qab haus huv, yog nyob ntawm kws kho mob thiab tsev kho mob. 
    Muaj qee lub nroog Hmoob raug ntes, vim Hmoob nyiam tua nas tua noog hla tseem hwv txoj cai. Thiab kuj muaj cov tub ceev xwm nyob Fresno raug Hmoob kom tias tub ceev xwm ua txhaum rau Hmoob cov npua txi dab ntawm tog tsev thiab txiav lawv cov paj yeeb uas lawv cog saib. Vim li ntawd lub nroog Fresno thiaj tso lus kheev rau cov txiv neeb hlawv xyab hlawv ntawv thiab tua qaib tua npua pauj yeem nyob hauv tej tshav nres tsheb. 
    Muaj ib yam nyob hauv Hmoob tej kab lis kev cai, yog qhov Hmoob hwm poj yawm txwv koob cov tuag mus lawm, thiab Hmoob tej kev cai dab qhuas txawv, qhov ntawd yog hu ua tus ntsuj plig. Ntsuj duab ntsuj hlau yog qhov tob nyob hauv Hmoob. Txij hnub Hmoob tuaj txog teb chaws As Mes Lis Kas hauv cov xyoo 1970, Hmoob feem coob tseem ua tej kab lis kev cai li qub. Tab sis kev pam tuag raws Hmoob kev cai tsawg zuj zus, vim cov hluas txheej tshiab tig los txais kev ntseeg coob lawm, kev pam tuag raws li Hmoob qub kev cai yog ib txoj kev siv nyiaj ntau. Kev ua lub neej nyob As Mes Lis Kas teb, sawv daws muaj hauj lwm ua thiab tej tsev kawm ntawv kuj tsis muaj caij so ntau. Ces tsis muaj lub caij sawv daws yuav los ua cov kab ke pam tuag ntau hnub.  
    Hmoob tej kab lis kev cai muaj ntau yam sib txawv nyob hauv cov teb chaws xws li ; Los Tsuas teb, Thaib teb thiab As Mes Lis Kas teb. Nyob Los Tsuas teb thiab Thaib teb, mas thaum muaj ib tug neeg tuag, sawv daws pib ua lub ntees pam tuag tam sim thiab pam ntau hnub. 40 tawm xyoo dhau los uas thawj pab Hmoob tuaj txog teb chaws As Mes Lis Kas, mas muaj ntau yam hloov mus. Vim cov hluas muab Hmoob tej kab lis kev cai los ua xyaw Mes Kas kev cai. Muaj tsawg leej uas lawv tseem nco lub neej qub qab thiab xav ua li qub. Qhov zoo tshaj yog qhov Hmoob lub neej tau hloov ntau yam nyob hauv ib lub teb chaws tshiab.