Hnub hwm kev kawm ntawv thawj zaug

Hnub tim 24 lub 1 hlis, tas ntiaj teb muab los ua hnub hwm kev kawm ntawv thawj zaug. Vim tias twb tau txais lus tso cai los ntawm lub Leej Haum Kuj tsaib no lawm. Kev ua hmoov tsuj xeeb ntiaj teb txoj kev kawm kom tau nyob thaj yeeb thiab los pab txhim kho, UNESCO tau thov kom txhua lub teb chaws txhab kev muab siab rau txog kev kawm ntaub ntawv, kom ua lub zog txhawb sawv daws sib koom kom lub hom phiaj ntawm kev txhim kho tiav thiab vam meej mus.

“Kev kawm yog lub zog nyob hauv peb xib teg uas yuav tos txais kev daws kho lub cev ntaj ntsug kev noj qab nyob zoo, kom tau txhawb txoj kev loj hlob nyob hauv kev lag luam. Yog kev lag luam loj hlob lawm, yuav ua rau tej pab neeg txoj kev sib koom tes vam meej thiab nyob ntev mus”.

Cov lus no yog Audrey Azoulay tus thawj tswj hauv UNESCO hais tawm.

Tam sim no muaj cov me nyuam yaus thiab cov tub ntxhais hluas li ntawm 262 plhom leej uas tsis tau mus kawm ntawv, thiab 617 plhom leej tsis paub nyeem ntawv thiab ua xam phaj. Cov me nyuam ntxhais tsawg dua 40 feem pua nyob hauv lub tiaj suab puam Xas Has Las tsuas kawm tiav txheej nrab xwb. Hos cov me nyuam uas yog neeg thoj nam li ntawm 4 plhom leej tsis tau kawm ntawv.

Raws kev soj ntsuam nyob thoob ntiaj teb mas muaj kev tsis ncaj ncees nyob hauv cov neeg nplua nuj, hauv cov me nyuam tub me nyuam ntxhais thiab cov nyob toj siab.