HNUB KEV NCAJ NCEES THOOB NTIAJ TEB (Human Rights Day)

Hnub tim 10 lub 12 hlis, yog ib hnub tseem ceeb ntawm lub Leej Haum Kuj (UN) uas tsa muaj nyob hauv xyoo 1947, uas yog hnub kev ncaj ncees nyob ntiaj teb no (UDHR).

UDHR yog ib tsab ntawv tshaj txog txoj cai kav neeg raws kev ncaj ncees thiab muaj vaj huam sib luag, tsis hais haiv neeg dab tsi thiab coj txoj kev teev hawm twg kuj xij.  Nyob hauv tsab cai kev ncaj ncees no muab txhais ua 500 xeem lus thiab yog ib tsab cai uas raug txhais ua ntau xeem lus tshaj nyob hauv ntiaj teb no.

Lub hom phiaj nyob hauv xyoo no, kuj yog hais txog tus kab mob Covid-19 thiab sib pab txhim kho kom txhua yam zoo tuaj uas yog muaj txoj cai kev ncaj ncees ua qhov chaw nres. Ntiaj teb neeg lub hom phiaj yuav tiav, yuav tsum yog sawv daws sib koom tes thiab muaj vaj huam sib luag. Vim li ntawd, lub caij muaj tus kab mob Covid-19 sib kis li no, thiaj yuav tsum siv txoj cai kev ncaj ncees los siv kom sawv daws muaj vaj huam sib luag thiab txhob sib cais pab pawg.

Hnub tim 10 lub 12 hlis no, thiaj yog hnub uas yuav rov hais txog tib neeg txoj kev sib koom ua ib tug nyob hauv lub ntiaj teb no thiab sib pab txhim kho lub ntuj  tshiab, kom txhua haiv neeg txawj sib fim thiab nyob taus ua ke hauv txoj cai muaj vaj huam sib luag raws li lub Leej Haum Kuj (UN) cov lus nqua hu : “Stand Up for Human Rights”. UN muaj lub hom phiaj uas yog txhua tus neeg thiab txhua yim neeg muaj feem cuam koom nrog UN ua thiab hloov txhua yam kom tshwm sim qhov zoo tuaj rau sawv daws, thiab muaj kev ncaj ncees ruaj khov nyob hauv tej pab pawg neeg. Kev ncaj ncees yuav yog qhov chaw nruab nrab ntawm lub ntiaj teb tom qab uas tus kab mob Covid-19 dua tas. Vim tus kab mob Covid-19 tau ua kom cov tib neeg pluag muaj coob ntau dua qub tuaj, thiab kuj tau ua teeb meem rau kev muaj vaj huam sib luag nyob hauv neeg lub neej ntau ntau fab. Kev ncaj ncees thiab muaj vaj huam sib luag, yuav ua kom sawv daws pom tias txhua yam uas txoj cai taug lawm, yuav rov nruj tuaj thiab ncaj ncees nyob mus li.

• Tso tseg kev ua txhua yam tsis zoo.
• Daws cov teeb meem uas tsis ncaj ncees thiab tsis muaj vaj huam sib luag.
• Txhawb nqa kom sawv daws muaj feem cuam thiab sib koom ua ib lub siab.