HNUB KEV TWJ LIJ

Txhua txhua xyoo hnub tim 4 lub 7 hli, tas tsoom pej xeem As Mes Lis Kas yuav ua hmoov nco txog hnub uas As Mes Lis Kas teb tau nyob twj lij, los yog hnub hwm lub teb chaws As Mes Lis Kas. Kev ua hmoov muaj ntau yam lom zem ua ke, yam li muaj ntaus nruas, tshuab paj nruag taug kev, muaj sam thiaj hu nkauj thiab muaj kiab khw txhiam laj txhiam xws noj ntau yam.

Hnub ntawd tas lub teb chaws As Mes Lis Kas so tsis ua hauj lwm, tej tsev kawm ntawv kaw tas. Tas tsoom pej xeem yuav sib koom ua hmoov tsuj xeeb lawv lub teb chaws. Nyob hauv tseem hwv cov tsev ua hauj lwm thiab tej qhov chaw tseem ceeb, muaj paj ntoos hluav taws xob cig yav hmo ntuj zoo nkauj heev.

Hnub tim 4 lub 7 hli xyoo 1776, yog hnub As Mes Lis Kas teb dim ntawm British Crown txoj kev kav los nyob twj lij, yog hnub uas As Mes Lis Kas teb ncaim ntawm Aas Kiv teb mus ua ib lub teb chaws tshiab nyob hauv tiam 16.

Thaum ntawd As Mes Lis Kas teb raug faib ua 13 lub cheeb tsam thiab yuav tsum xa se rau tseem hwv Aas Kiv.

Tab sis kev sib tawm tsam ntawm ob tog los xaus rau qhov tseem hwv Aas Kiv lees txais As Mes Lis Kas teb ua ib lub teb chaws, ces hnub tim 4 lub 7 hli xyoo 1776 tseem hwv As Mes Lis Kas thiaj ceeb toom ua ib lub teb chaws tshiab twj lij.