HNUB TAWM TSAM KEV QUAB YUAM COV ME NYUAM UA HAUJ LWM

Monday, June 07, 2021

Hnub tawm tsam kev quab yuam cov me nyuam ua hauj lwm hauv xyoo 2021 no, yog hais txog teeb meem kev siv cov me nyuam tub ntxhais hluas ua hauj lwm thiab tus kab mob COVID-19.

Teeb meem kev lag luam thiab cov tub zog, yog ib qho teeb meem loj kawg rau tib neeg kev ua lub neej nyob. Qhov tseem ceeb tshaj mas cov me nyuam tub ntxhais hluas yog cov xub ntsib kev txom nyem. Vim tias zim txwv no muaj kev siv cov me nyuam tub ntxhais hluas ua hauj lwm nyob thoob ntiaj teb li ntawm 152 plhom leej. 72 plhom leej yog cov ua hauj lwm rau tej qho chaw kub ntxhov thiab yuav raug lawv txoj sia.

Tam sim no cov me nyuam tub ntxhais hluas no pib raug teeb meem heev zuj zus thiab raug quab yuam kom ua hauj lwm ntau dua qub. Cov me nyuam tub ntxhais hluas uas hais no, mas yog cov hnub nyoog 5 txog 17 xyoo. Ces kev ua hauj lwm hnyav, mas yog ib qho teeb meem loj rau lawv lub cev nqaij daim tawv thiab txoj sia.

Hauv tuam teb As Fiv Kas, tuam teb As Xias thiab tuam teb Pas Xis Fiv, muaj cov me nyuam raug quab yuam ua hauj lwm yog 9 hauv 10 leej nyob thoob ntiaj teb. Hais txog cov me nyuam tub ntxhais hluas ua hauj lwm nyob thoob ntiaj teb, mas muab faib raws li nram no. Tuam teb As Mes Lis Kas yog 11 plhom leej, tuam teb Aws Los Pas thiab As Xias nrab yog 6 plhom leej thiab xeev ntuj Arab states yog 1 plhom leej.