HNUB TIV THAIV KEV UA LUAM NEEG NYOB NTIAJ TEB

Friday, July 23, 2021

Hnub tim 30 lub 7 hli, yog hnub tsuj xeeb tiv thaiv kev ua luam neeg nyob ntiaj teb no. Kev ua luam neeg muaj nyob txhua txhia lub teb chaws thoob ntiaj teb. Cov neeg poob nyob hauv cov neeg ua luam neeg tes, yog cov neeg raug luag ntxias, raug ntes mus quab yuam thiab raug nyiag mus muag. Neeg raug nyiag, raug muag pauv nyiaj xws li tej toob xib. Cov neeg uas kheev kheev raug cov teeb meem no, mas yog cov neeg thoj nam, vim lawv khiav tso vaj tso tsev tseg thiab tsis muaj tus saib xyuas lawv. Ces lawv thiaj yooj yim raug lwm tus neeg ntxias mus muag thiab quab yuam ua qhev thiab quab yuam ua dev ua npua.

Suav txij xyoo 2000 los, pom tias kev nyiag muag neeg thiab kev ua niam ntiav tsawg zuj zus tuaj lawm. Tab sis kev quab yuam neeg ua hauj lwm hnyav muaj ntau dua qub tuaj. Cov neeg uas ntsib cov teeb meem no, feem coob yog cov poj niam. Vim cov poj niam yog cov raug ntxias mus muag thiab quab yuam ua niam ntev coob dua. Cov raug quab yuam ua niam ntiav, feem coob hnub nyoog qis dua 26 xyoo. Thiab ib feem plaub yog cov me nyuam ntxhais hluas nkauj hnub nyoog 15 txog 17 xyoo.

Add new comment

4 + 0 =

Quick Links