HNUB TIV THAIV TSHAUJ TXHAUM KEV CAI

Hnub tim 26 lub 6 hli txhua txhua xyoo, yog hnub tiv thaiv tshuaj txhaum kev cai thiab kev ua luam neeg nyob thoob ntiaj teb. Hnub tiv thaiv yaj yeeb los sis tshuaj txhaum kev cai thiab tiv thaiv kev ua luam neeg nyob ntiaj teb, yog lub Leej Haum Kuj pib tsa nyob hauv hnub tim 26 lub 6 hli xyoo 1988. Lub Leej Haum Kuj tsa kom muaj hnub ntawd, kom ib tsoom neeg nyob thoob ntiaj teb sib koom tes tiv thaiv thiab nco tias txhua yam tshuaj txhaum kev cai txo tib neeg txoj sia thiab kev ua luam neeg yog txhaum kev cai. Zim txwv no muaj tshaj 275 plhom leej neeg siv tshuaj txhaum kev cai, yam li yaj yeeb, yeeb dawb, nplooj maj thiab tshuaj nees. 
Xyoo 2016, yog xyoo uas muaj neeg quav tshuaj coob tshaj plaws, vim xyoo 2016 ntawd muaj cov neeg siv txhua hom tshuaj txhaum kev cai nyob thoob ntiaj teb li ntawm 192 plhom leej. Tsis tas li ntawd, lub Leej Haum Kuj tseem pom tias : muaj li ntawm 11 plhom neej uas lawv nkaug yeeb dawb rau hauv lawv lub cev thiab. Vim li ntawd txhua txhua xyoo hnub tim 26 lub 6 hli, lub Leej Haum Kuj koom nrog cov kuj cuab ua kom ntiaj teb neeg ras txog cov teeb meem ntawm tshuaj txhaum kev cai. Qhia tej tub ntxhais hluas kom lawv paub tiv thaiv thiab txav deb ntawm kev quav tshuaj.