HNUB TIV THAIV TUS KAB MOB MALARIA (WMD)

Hnub tiv thaiv tus kab mob Malaria (World Malaria Day), yog hnub ua hmoov tsuj xeeb ntawm cov teb chaws txhua txhua xyoo hnub tim 25 lub 4 hlis ntuj. Yog hnub nco txog tas ntiaj teb txoj kev tiv thaiv tus kab mob Malaria. 
Xyoo no, WHO thiab txhua lub teb chaws uas muaj kev sib koom tes yuav ua hmoov tsuj xeeb hais txog kev tiv thaiv yeej tus kab mob Malaria. Kev soj ntsuam zaum kawg nkaus, mas pom tias muaj 429,000 tus neeg nyob thoob ntiaj teb tuag los ntawm tus kab mob Malaria, thiab xyoo 2015 muaj cov neeg mob Malaria 212 plhom leej.
Nyob thoob ntiaj teb muaj 3.3 txhiab plhom leej neeg nyob hauv 106 lub teb chaws uas muaj tus kab mob Malaria. Tus kab mob Malaria ua rau neeg tuag 627,000 leej, feem coob yog cov me nyuam As Fiv Kas. 
Hnub tim 21 lub 4 hlis xyoo no, WHO yuav tshaj tawm txog kev tiv thaiv ntawm cov teb chaws thiab tej yam uas sawv daws raug nyob hauv cov teb chaws tab tom muaj kev tiv thaiv tus kab mob Malaria “E-2020”. Tab txawm tias zim txwv no tas ntiaj teb raug tus kab mob Covid-19, tsis kav tsaib no cov teb chaws muaj kev tiv thaiv hais tias hauv lawv cov teb chaws tsis muaj cov neeg mob Malaria, ces txhais tias lub ntiaj teb tab tom mus rau qhov tsis muaj tus kab mob Malaria lawm. 
Zim txwv no tas ntiaj teb tiv thaiv tus kab mob Malaria thiab tus kab mob Covid-19, tsis hais cov teb chaws nyob raws tus niam dej Naj Khoom sawv daws kuj koom tes tiv thaiv kom txog xyoo 2031, mas txhob muaj tus kab mob Malaria.
 Xyoo 2020, 6 lub teb chaws nyob npuas dej Naj Khoom muaj cov neeg mob Malaria tsawg lawm 97 feem pua, thiab cov neeg tuag los ntawm tus kab mob Malaria kuj tsawg lawm 99 feem pua.