HNUB UA SIAB NTEV

Monday, November 16, 2020

Hnub tim 16 lub 11 hlis yog hnub ua siab ntev thiab uv txhua yam ntawm ntiaj teb. Lub Leej Haum Kuj (UN) xav tsim kom tib neeg muaj kev sib uv thiab txawj ua siab ntev, kom tib neeg ib tug txawj sib nkag siab ib tug nyob hauv sawv daws tej kev cai dab qhuas thiab nyob hauv tsoom pej xeem.

Txoj kev uv thiab ua siab ntev no tseem ceeb thiab muaj nqis dua lub neej yav tag los. Vim yav tag los tib neeg tsis txawj sib uv thiab lub siab tsis ntev, ces thiaj muaj kev sib txeeb sib ntaus sib tua. Ua rau tib neeg tsis nco qab ras txog txoj kev sib haum xeeb thiab sib hlub lawm.

Xyoo 1996, lub Leej Haum Kuj thiaj caw cov teb chaws sib koom tuaj ua hmoov tsuj xeeb hnub ua siab ntev thiab sib uv rau hnub tim 16 lub 11 hlis. Txwm 125 xyoos ntawm UNESCO, ces tau xav tias yuav muab paj tshab rau cov teb chaws thiab tej tus neeg uas txawj ua siab ntev thiab sib uv nyob hauv txhua txhua 2 xyoos hnub tim 16 lub 11 hlis.

Kev ua lub siab ntev thiab txawj sib uv, mas yog ib qhov kev zoo uas tsim nyog hwm thiab qhuas txog. Vim kev ua lub siab ntev thiab txwj sib uv, mas yog qhov uas tas ib tsoom neeg xav tau los ntawm lwm tus neeg. Kev ua lub siab ntev thiab txawj uv thiaj yog kev sib haum xeeb ntawm txhua txhia haiv neeg nyob ntiaj teb no. Kev ua siab ntev thiab sib uv, tsis yog ua kom muaj kev ncaj ncees xwb. Kev ua siab ntev kuj tseem yog ib qhov tseem ceeb nyob hauv tej pab neeg tsis hais cov tseem hwv los yog tsoom pej xeem. Kev ua siab ntev thiab txawj sib uv, tsis ua kom neeg muaj kev sib txeeb sib tawg thiab yog ib yam muaj nqis nyob hauv peb txhua leej txhua tus.