HOP THIAB ANJA RINGGREN LOVREN

Muaj ib tug me nyuam tub Nis Zes Lias uas ntau xyoo dhau los lawm, raug niam thiab txiv muab tso pov tseg, nws yuag yuag tshuav tawv qhwv txha xwb. Tus me nyuam tub ntawd hu ua HOP. Ntau xyoo tag los, yog ib qho xwm uas tas ntiaj teb cov neeg nyob hauv Internet saib coob heev. Muaj ib tug poj niam hu ua Anja Ringgren Loven uas nws ua hauj lwm nyob hauv ib lub tsev tu cov nyuam ntsuag thiaj khaws tus me nyuam HOP ntawd coj mus tu. Anja Ringgren Loven tau muab dej rau HOP haus, thiab txiav txim siab coj HOP mus tu. Anja Ringgren Loven yog ib tug neeg Das Mas nyob hauv xeev ntuj As Fiv Kas. Thaum Anja Ringgren Loven pom tus me nyuam tub ntawd, mas nws muaj 2 xyoos xwb. Nws raug niam thiab txiv tso pov tseg ua neeg thov khawv nyob ntawm ntug kev. Lub sij hawm ntawd tus me nyuam tub HOP yuag yuag nka tawv heev. Tom qab uas Anja Ringgren Loven coj tus me nyuam tub HOP mus tu, mas pom tias HOP yog ib tug me nyuam tub loj zoo thiab nws lub cev muaj zog. Nws muaj lub ntsej muag luag ntxhi thiab lub cev rov puv tuaj, tsis zoo li tus thaum raug tso pov tseg ua neeg thov khawv, yuag yuag tshuav tawv qhwv txha lawm. Xeev ntuj As Fiv Kas yog ib xeev ntuj uas muaj neeg tshaib nqhis coob heev, ces tus me nyuam tub HOP thiaj raug niam thiab txiv muab tso pov tseg ua neeg thov khawv nyob ntawm ntug kev. 

Tus txhais : Lis Maib, Zoo Tswv Zov Yaj