Hun Sen tus tub yog Khas Phus Chas tus thawj pwm tsav tshiab

Hun Manet raug tsa ua Khas Phus Chas tus thawj pwm tsav tshiab los ntawm noob huab tais. Muaj txiaj ntsig los ntawm nws txiv uas tau kav lub teb chaws yuav luag 40 xyoo. Tom qab kev xaiv tsa nyob hauv lub 7 hli tag los, Hun Sen’s uas nws yog tus tau kav lub teb chaws ntev tshaj lwm cov thawj coj nyob thoob ntiaj teb, nws ceeb toom tias nws yuav hle nws tus nom tseg thiab muab rau nws tus tub hlob ua ntxiv mus.

Poll raug thuam loj kawg hais txog kev txhob txwm ua, tom qab pab nom Seangthien uas yog pab nom tiv cov tseem hwv raug txwv tsis pub siv technicality los ntawm pab nom Khas Phus Chas (CPP), yog pab nom tau rooj zaum ntau tshaj plaws thiab lawv muaj 125 tus tub koom tes. Hun Sen’s tus vaj Norodom Sihamoni ceeb toom tias nws tau xaiv Hun Manet ua Khas Phus Chas tus thawj pwm tsav tus tim  7. 

Pab nom tshiab yuav coj tus thawj pwm tsav txheej hluas los thiab qee leej yuav tau txais lub luag hauj lwm raws li nws txiv npaj tseg. Hun Sen’s hais tias nws yuav tsis cuam tshuam txog kev kav teb chaws ntawm nws tus tub, tab sis nws cog lus rau tsoom pej xeem tias nws tseem yuav nyob hauv kev tseev tsim ntxiv mus.

As Mes Lis Kas, lub Leej Haum Kuj thiab Aws Los Pas thuam txog kev soj ntsuam kev tawm tswv yim hauv lub 7 hli tag los tias : tsis muaj kev ywj pheej thiab tsis ncaj ncees. 

Hun Sen’s tsis lees txais cov lus thuam ntawd thiab nws hais tias : kev muab nws tus tub los ua thawj pwm tsav yog kev ua nom raws caj ces. Yog muab piv rau Kos Lim Pej, mas nws txuag kev thaj yeeb thiab zam kev sib ntaus rog, yog tias nws tuag thaum nws tseem ua nom.

Nws hais ntxiv tias : yog Hun Manet poob hauv txoj kev kub ntxhov, mas nws yuav rov los ua thawj pwm tsav. Cov kws soj ntsuam hais tias : tab txawm nws tau ua nom los ntau caum xyoo, tsis kav nws tus tub hlob tsis tau nce lub sam thiaj ntawm kev tseev tsim los dua. Ces tsis tshua muaj kev cia siab tias Hun Manet yuav coj kev thaj yeeb tau ntau dua thiab pej xeem puas nyiam cuag nws txiv. Tab txawm nws tau mus kawm ntawv nyob As Mes Lis Kas teb thiab Aas Kiv teb kuj xij.