Ib tug hauj sam mus kev taw 1,500 km, yog ua kev tsim koob hmoov

Tus hauj sam Louangta Bunchen uas nws yog ib tug tub rog ntawm ntsuj tsov rog Nyab Laj, nws tau so thiab kawm kom paub txog kev tsim koob hmoov nruab xyoos thiab faib rau lwm tus.

Xyoo no nws pib mus taw ntawm lub xeev Phuket mus rau lub xeev Nakhon Phanum uas nyob npuas Los Tsuas teb. Nws txoj kev mus taw zaum no yog tsim koob hmoov thiab ua kom Thaib teb tej kab lis kev cai yog ib qhov chaw nrig tsam rau lub teb chaws, yam li cov neeg tuaj ncig tsham Thaib teb kom lawv muaj lub siab dawb huv nrog kab lis kev cai.

Txawm li cas kuj xij, hais txog kev mus taw tsim koob hmoov yog ib yam uas tsoom pej xeem Thaib hwm thiab saib tseem ceeb heev. Nws muaj nqis thiab tseem ceeb ib yam li cov kab ke teev hawm thiab lwm yam nyob hauv lub tsev teev hawm. Kev mus taw tsim koob hmoov no kuj yog zoo li ib tug tswg khov kho nyob hauv tsoom pej xeem Thaib uas teev hawm Phus Thas txhua leej txhua tus.