Ib tug qub nom ntawm Is Ntias thiab 93 tus neeg thov kom Modi tso tseg kev tiv cov neeg ntseeg.

Cov qub nom Is Ntias 93 leeg tau sau ntawv mus rau Is Ntias tus thawj pwm tsav Modi, kom nws ua ncaj ncees thiab cheem kev tua kev tiv cov neeg ntseeg nyob thoob lub teb chaws, vim teeb meem niaj hnub muaj txhab ntxiv.

Nyob hauv tsab ntawv, pab neeg uas ua raws txoj cai thov Modi ua kom cov neeg ntseeg muaj kev cia siab tias : lawv yuav tau txais kev ncaj ncees thiab sib luag los ntawm cov nom tswv thiab txoj cai. Cov neeg sau npe muaj ib tug yog ib tug qub thawj tswj lub xeev Des Lis, thiab ib tug yog qub thawj pwm tsav txawv teb chaws hu ua Sujatha Singh.

Tsab ntawv sau meej meej txog qhov uas Txiv Plig Swamy uas yog ib tug Txiv Plig Yes Xus Is tuag, tom qab nws raug kaw nkuaj ntau xyoo. Thiab kev teeb tsa tus kws txiav txim nyob hauv lub nroog Madras uas ua tej yam ntxub ntxaug cov neeg ntseeg. Nws liam txog kev quab yuam tig los yuav lub siab tshiab, yog ib lo lus iab hiam phem heev ntawm lo lus hais, ntawm lub cev thiab lub siab ntsws hauv cov neeg ntseeg thiab lawv lub Koom Haum.

Tsev teev Ntuj thiab cov tsev nyob ntawm cov neeg Dalit uas lawv ntseeg ntuj raug hlawv piam sij tas. Tej toj ntxas raug tshom piam tas, tsev kawm ntawv thiab tsev kho mob raug tua thiab cov neeg ntseeg teev Ntuj kuj raug kev kub ntxhov.

Tsab ntawv hais ntxiv tias : ob peb hnub dhau los no, muaj ib qho xwm txheej tshwm sim nyob hauv World Book Fair uas nyob Nyus Des Lis, muaj cov His Ntus tua Gideons Internetional qhov chaw uas lawv faib Ntawv Ntshiab pub dawb rau ib zeej tsoom neeg.