KAWM NTAWV HAUV TSEV THIAB UA LUB NEEJ RAWS NEEG NTSEEG

Nyob Xis Laas Kas teb, mas cov tsev kawm ntawv hloov los kawm ntawv Online nyob hauv tsev lawm xwb. Tab sis cov me nyuam kawv ntawv feem coob lawv tsis muaj Tablet thiab tsis muaj Internet. Qhov no yog ib qho nyuab rau cov xib hwb qhia ntawv kawg, tab sis lawv yog ib co neeg ntseeg, ces lawv yuav tau ua lawv lub luag hauj lwm kom mus raws li txoj kev kawm txuj.

Ib yam li lwm cov teb chaws thiab nyob thoob ntiaj teb. Kev kawm nyob Xis Laas Kas teb yuav muaj qhia nyob Online thiab siv sij hawm li 1 xyoos. Sas Mus Dis uas nws yog ib tug xib hwb qhia ntawv neeg Kav Tos Liv tseem hluas hais tias : kev ua vaj cog zaub nyob hauv tsev, mas cov me nyuam kawv ntawv cog zaub nyob hauv tej lub lam hwj, tej lub tais, tej lub khob thiab hnab tsaj.

Cov tseem hwv kuj txhawb nqa txoj kev kawm nyob Online, tab sis lawv tsis muab siab rau txog qhov tob hauv neeg lub cuab yim neej. Kuv cov me nyuam kawm ntawv feem coob, lawv tsis muaj Tablet thiab tsis muaj Internet zoo siv. Txawm li cas los xij, nws yog kuv lub luag hauj lwm lawm, kuv yuav tau muab siab rau ua raws txoj kev qhia ntawv ntxiv mus, tsuas yog kuv txhawj txog kuv cov me nyuam kawm ntawv xwb. Tso siab tias Tswv Ntuj lub hwj chim yuav pab kom peb hla dhau cov xwv txheej kub ntxhov no. Tus xib hwv qhia ntawv Sas Mus Dis cov lus hais.