KEV KAWM TSHIAB UAS YUAV TAU PAUB TXOG

Tej yam cheem tsum nyob hauv lub ntiaj teb no hloov mus raws lub caij nyoog. Nyob zoo xyoo tshiab cov neeg ntseeg txhua tus, peb tab tom nyob hauv ntu 3 ntawm tiam 21 uas yog dhau los lawm 20 xyoo. Yog tiam 21 uas txhua yam nyob hauv lub ntiaj teb no tab tom pib pauv ntxeev mus sai heev, tsis hais tib neeg lub neej los yog ntau yam nyob ib puag ncig ntawm peb hloov mus sai heev. Muaj tej yam tshiab tshiab pib tshwm sim tuaj kom peb tau kawm tau paub txog. Yuav tsum muaj kev kawm thiab tus yam ntxwv ntawm tib neeg uas yuav hla dhau tej kev nyuaj kev ntxhov no. Peb yuav xyaum coj thiab hloov peb tus yam ntxwv kom peb nyob taus nrog tej yam tshiab tshiab.

Tsis li ntawd, txawm muaj kev txawj ntse nyob puv paj hlwb, tsis kav kuj pab tsis tau tus kheej. Peb yuav tau muaj kev kawm kev paub txog tej yam nrog peb txoj kev txawj ntse. Nyob hauv 5 txog 10 xyoo dhau los, cov neeg hluas uas ua hauj lwm pib ras thiab pib xyaum tej yam tshiab los pab tus kheej kom muaj kev paub txhua yam. Dhau ntawm kev txawj ntse lawm, kev muaj peev xwm los yog kev ua kam ntawm yus tus kheej uas hu ua Hard Skills los yog Technical Skills. Peb yuav tau pom tau kawm ntau yam tshiab tshiab uas peb tsis tau pom thiab paub dua li los pab peb tus kheej, kom tej hauj lwm uas peb ua thiaj li tiav.

 Lub 10 hlis tsaib no, lub rooj pwm tsav kev lag luam ntiaj teb (World Economic Forum) los yog hu qhov yooj yim ua WEM tau soj ntsuam kev paub thiab txawj ntse ntawm cov neeg ua hauj lwm txog yav tom ntej hauv xyoo 2025, muaj 15 yam uas yuav siv los pab kev ua hauj lwm li no :

(1) Kev sim thiab kev ua kom tshwm sim.

(2) Nrhiav kev paub thiab kawm txog txoj hau kev yuav ua.

(3) Daws cov teeb meem uas ntxhov quav niab.

(4) Kev xav thiab kev sim txog qhov tob ntawm cov teeb meem.

(5) Muaj kev xav zoo, ua zoo thiab txawv yam qub uas muaj dhau los lawm.

(6) Kev ua tus thawj coj thiab muaj hwj chim nyob hauv tej pab neeg coob coob.

(7) Kev siv cov twj txheej tshiab (Technology) raws qab thiab kav tes hauj lwm.

(8) Kev sau tej yam raws cov twj txheej tshiab, kev sau programming.

(9) Hloov tus kheej kom nrawm thiab daws kev chim siab.

(10) Muaj qab hau, xav qhov yog los daws teeb meem.

(11) Kev ntse ntawm tus kheej.

(12) Daws teeb meem thiab nkag siab neeg txoj kev txawj ntse.

(13) Muaj kev tos txais zoo.

(14) Xav tswv yim thiab txawj ntsuas tej hauj lwm.

(15) Kev txawj hais lus thiab sib tham sib pauv nyob hauv tus yam ntxwv.